БНСУ-ын парламентийн гишүүн И Жасмин өөрийн туслахаараа монгол эмэгтэй C.Ариуныг ажиллуулахаар болжээ. Тэд 2009 оны 11-р сард Солонгосын Эмэгтэйчүүдийн яамнаас зохион байгуулсан  "Улс төрч эмэгтэйчүүдийг олноор нь бий болгох төсөл"-д хамт оролцож байсан байна. С.Ариун нь Кёнгу дүүрэгт нэгэн төрийн албанд ажилладаг аж. Тэрбээр 2001 онд Ионсей дээд сургуулийн хэлний бэлтгэлд суралцаж байхдаа солонгос хүнтэй гэр бүл болж, БНСУ-ын иргэний статустай болжээ.