МАХН-ын дарга, Монгол Улсын гурав дахь Ерөнхийлөгч Н.Энхбаяр хуурай өлсөглөн зарлаад 9 хонолоо. Өчигдөр орой Эрүүл мэндийн яамнаас томилсон зөвлөх эмч нарын баг Н.Энхбаяртай зөвшилцсөний дагуу түүний биед нарийн үзлэг, шинжилгээ хийж дүгнэлт гаргажээ. Уг дүгнэлтийг тайлбаргүйгээр бүрэн эхээр нь хүргэе.   


2012.05.12. 17.00 цаг
 
Хуурай өлсгөлөнгийн 9 дэх хоног
    Биеийн байдал маш хүнд, ухаан саруул, их хучнаж амарч шивнэх шахам ярина, тайван бус цочромтгой. Хэлээ чийглэсэн алчуураар арчиж ярина, амаа арчсан алчуур нь цустай гарна. Арьс салст шар, маш их хуурай, мөч нь хүйтэн. Арьс цонихгор , зэвхий цайвар, хогжруутаж хуурайшсан, уян чанар алдагдсан. Царай дүнсгэр, нүд хомхойтсон, хамар хавчгар, чих наалдсан нүүрний хөдөлгөөн эрс багасаж уруул хэл хуурайшиж хагарсан. Амьсгалын тоо 10 минутад 20-23 удаа амьсгал чөлөөтэй, хамраар амьсгална, уушиг 2 талдаа бронхийн өнгөц амьсгалтай юм ярих үед амьсгалын тоо олширч яриа нь тасалдана. Зүхний авиа бүдэг хэм жигд судасны хүчдэл сул, А/Д 128/90мм. Хэл маш хуурай, ягаан өнгөтэй, цус шүүрнэ, Жавж уруул омголтож хагарсан хэвлий мэхигэр, аюулхай хүйс орчим эмзэглэлтэй элэг дэлүү томроогүй. Өнөөдөр өглөөнөөс хойш 1 удаа шээж 170 мл шээс гарсан байна. Шээс маш өтгөн, үнэртэй, хар цай шиг улаан хүрэн өнгөтэй байна. Сэтгэл хөөрөл, гутралын шинж ээлжилнэ, нүүр дүнсгэр дуу хоолой бүдэг, үгээ давхцуулж амьсгаадаж ярина. Гар хөлийн нарийн хөдөлгөөний эвсэл муу, булчин шуугдсан, улбагар сул, шөрмөсний рефлексүүд суларсан, захын мэдрэлүүдийн эмгэгшилийн шинжтэй.

   Шинжилгээнд шингэн дутагдсаны улмаас цус өтгөлөр, өөрчлөлт их гарсан, өлсөлтийн улмаас шээсэнд кедоны хорт бодис ихэссэн байна. Бусад үзүүлэлтүүд эмгэг өөрчлөлтийн заагт хүрсэн байна. 5 сарын 9,11-ний зүрхний цахилгаан бичлэгт зүрхний булчингийн тэжээлийн өөрчлөлтийн шинж илэрсэн байна. Кардиомонитор хоюдлын экстраснебон ганц нэг харагдана.

Уламжлалт анагаах ухааны үзлэг
Судас болон хэлний оношлогоо хийвэл зүрхний судсанд хий маш их арвидсан, бөөрөнд бадгана хий судас, элэг ходоодонд хий цус арвидсаны өөрчлөлттэй. Хэл хуурай ширүүн , улаан өнгөтэй, хэл уруул хуурайшиж омголтож хагарсан, зүрх сулас бөөрний үйл ажиллагааны дутагдал, элэг ходоодны бор мугва, бодисын солилцооны хам дутагдал өөрчлөлтүүд давамгайлсан тул амь насанд аюултай байна. Нүд, чих, царайнд үхлийн ойр холын шинж тэмдгүүд илэрсэн байна.
Онош: Хуурай өлсгөлөн төгсгөлийн үе: /9 дэх хоног/. Шинж дутагдал тэжээлийн доройтол, бодисын солилцооны гүнзгий хямрал.
Уламжлалт Анагаахын онош: Тунгалаг цавийн боловсролтын алдагдал, Цагас хэтэрсэн хий амин шүтээнд хүрэх.

 Дүгнэлт:
1. Эмч нарын үзлэгээс татгалзсан боловч ярилцсаны дүнд үзлэг хийхийг зөвшөөрч эмч нарын баг үзлэг хийсэн.
2. Өвчтөний өөрийн зөвшөөрсөнөөр одоог хүртэл хийгдэж байгаа эмчилгээ / хоногт 400 мл шингэн судсаар хийж байгаа/ нь өвчтөний амь насыг аврахад хангалтгүй. Судсаар хийж байгаа эмчмлгээг цаашид дагнан нэмэгдүүлвэл амь насанд сөрөг үр дагавар үүсгэх аюултай болжээ. Өвчтөний зөвшөөрсөн охиолдолд амаар шингэн тэжээлийг бага багаар хавсарган хийх нь амь насны эрсдэлээс сэргийлэх боломжтой. Өвчтөн өлсгөлөнг цаашид үргэлжлүүлэх хатуу байр сууриа илэрхийлсэн, хэрвээ өлсгөлөнг үргэлжилвэл цаашид олон эрхтэний дутагдал гарч эмчилгээнд үр дүн өгөхгүй.

     3. Өвчтөнд дараах эрсдэлүүд нүүрлэж байна.
Үүнд:
-Төвийн ба захиын мэдрэлийн системийн хүндрэл /ухаан алдах, татах/
- Оворгод орох буюу кома
- Бөөрний дутагдал
- Хоол боловсруулах замын цус алдалт
- Элэгний дутагдал
- Зүрхний аминд аюултай хэм алдагдах, зүрхний дутагдал
 Эмчилгээ:
Амь нас аврах хангалттай эмчилгээнээс татгалзаж буй тул дэмжлэг эмчилгээг судсаар шахуургаар хийе. (20%-ийн глюкозыг Витамин В1-4мл, Витамин В6-4мл)
Уламжлалт анагаах ухааны эмчилгээ:
Галын элгийг сайжруулах, тунгалаг цөвийн ялгаруулалтыг хэвийн болгох зүрх бөөрний хийг дараах эм тан .... Эмчилгээ, зөвхөн ........ тариа хордлого тайлах.

Шинжилгээ хийж үзсэн Зөвлөх эмч нар:
 1. Мэдрэлийн зөвлөх эмч: АУ-ны доктор. проф Г.Цагаанхүү
2. Хордлогын зөвлөх эмч: АУ-ны доктор. проф. С.Юндэн
3. Гасоро энтерлогийн зөвлөх эмч. АУ-ын доктор.кл.проф. Н.Туул
 4. Уламжлалт Ангаах Ухааны мэргэжлийн салбар.
Зөвлөлийн нарийн бичгийн дарга хүний гавъяат эмч кл.проф. Д.Нацагдорж
 5. Зүрхний зөвлөх эмч АУ-ны доктор Х.Нарантуяа
 6. Гемоднализийн төвийн эрхлэгч тэргүүлэх зэргийн эмч Д.Чулуунцэцэг