АНУ-ын Филаделфиа мужид “Домогт амьдрал – Чингис хаан” хэмээх нэртэй, эртний Их Монгол гүрний үеийн түүх дурсгалыг харуулсан музейг нээжээ.

Энэхүү музейг Франклины институтын профессор, эрдэмтэд хамтран нээсэн юм. Музейд 200 гаруй үзмэрүүд, тэр дундаа урьд нь олонд дэлгэгдэж байгаагүй 13-р зууны үед хамаарах илд, бамбай мөн Марко Пологийн эх нутагтаа авч ирсэн тал нутгийн цэргүүдийн хувцас хэрэглэл тавигдсан байна. Мөн Чингис хааны байлдан дагуулалтын үед хамаарах зэвсэг, хувцас хэрэглэл, эртний гоёл чимэглэл болон баатруудын эдэлж хэрэглэж байсан дуулга, илд бамбайг дууриалган хийсэн байна.

Музейн удирдлагууд “Чингис хаан 1162 онд мэндэлж, улмаар өсөж томрон бүс нутагтаа дэгдээд байсан өөр хоорондын тэмцэл, алан хядах овог аймгуудын цуст тулааныг зогсоож, урьд нь болон өнөөдрийг хүртэл байгаагүй асар том гүрэн байгуулсан гавъяатай. Тэр аль 13-р зуунд Их Монгол гүрэнд хууль ёсны ардчилсан систем бүрдүүлсэн” хэмээн NBC-д ярилцлага өгөхдөө хэлжээ.