Улаан талбайд болсон Аугаа их Эх орны дайны ялалтын баярын 70 жилийн ойн арга хэмжээнд тус улсын Ерөнхийлөгч В.Путин үг хэлсэн.

Тэрбээр нийт дайчид, ард иргэддээ баяр хүргээд "Өнөөдөр фашизмын эсрэг ялалт байгуулсны баярыг тэмдэглэж байна. Дэлхийн хүн амын 80 хувь энэ дайнд оролцсон гэсэн тоо баримт бий. ЗХУ дайсны хамгийн том цохилтыг өөр дээрээ хүлээж авсан. Ийм болохоор Улаан армийн байгуулсан ялалт түүхэн ач холбогдолтой үйл явдал болсон. Хамтдаа ариун ялалтыг байгуулсан. Дэлхийн II дайнд бид цэг тавьж, дэлхийн бусад улсуудын ард иргэдэд эрх чөлөөг авчирсан. Аугаа эх орны дайны ялалт манай улсын хамгийн том ялалт хэвээр үлдэнэ. Фашистуудын эсрэг тэмцэж байсан бусад улсуудад талархал илэрхийлье" гэсэн байна.

Мөн тэрээр "Энэхүү үйл явдал бол улс орнууд энхтайван, эрх чөлөөний төлөө хамтдаа байж чадсан том илэрхийлэл гэж үзэж байна. Дайны жилүүдэд Монгол Улс ч гэсэн дэмжиж ирсэн. Энэхүү парадад дайнд оролцож байсан цэргүүдийн аз зээ нар ч оролцож байна. Манай өвөг дээдэс амиа үл хайрлан байлдах эх оронч үзлийн тод жишээг бидэнд үзүүлсэн. Гудамж, байшин болгоны төлөө байлдаж байсан хүн бүрт талархлаа илэрхийлмээр байна" гээд нэг хором чимээгүй зогсож Дэлхийн II дайнд амь үрэгдсэн бүх хүмүүст хүндэтгэл үзүүллээ.