1980 онд цэргийн эргэлт зохион байгуулсныхаа төлөө насаараа хоригдох ял сонссон Туркын Ерөнхийлөгч асан Кенан Эврен таалал төгсчээ.

97 насалсан тэрбээр сүүлийн гурван жил эмнэлэгт эмчлүүлж байсан бөгөөд өнгөрсөн бямба гарагт биеийн байдал нь эрс дордсоны улмаас мөнх бусыг үзүүлжээ.

2014 оны зургаадугаар сард тус улсын шүүх Эврен болон агаарын довтолгооноос хамгаалах хүчний удирдагч асан Тахсин Шахинкая нарыг цэргийн эргэлт хийсэн гэж буруутган, бүх насаар нь хорих ял оноосон юм.

Тухайн үед Эврен болон 86 настай Шахинкая нар 1980 оны есдүгээр сарын 12-нд болсон цэргийн эргэлтийг удирдан зохион байгуулагчдаас хоёулахнаа амьд үлдсэн байв. Үүнээс өмнө Туркын армийнхан төрийн эрхийг хүчээр авсан хэрэгг холбогдож байгаагүй юм. Учир нь, 1982 онд Эврений Засгийн газар Үндсэн хуульд өөрчлөлт оруулан, цэргийн эргэлтийг зохион байгуулагчдыг мөрдөж, шүүхийг хориглосон заалт оруулсан байв. Эврений хувьд армийнхан засгийн эрхийг булаан авснаараа улс орноо аварсан хэмээн өөрийгөө өмгөөлсөөр ирсэн. Гэхдээ тэрбээр засгийн эрхийг авмагцаа хууль бусаар 50 хүнийг цаазалж, 10-аад мянган хүнийг шоронд хорьсон байдаг.

Г.Үжин