Украины эрх баригчид ОХУ-аас Донбасст учруулсан хохирлын нөхөн төлбөр болох 350 тэрбум ам.долларыг нэхэмжлэх гэнэ.

Украины Эдийн засгийн хөгжлийн яамны нэгдүгээр орлогч сайд А.Боровик мэдэгдэхдээ ОХУ нөхөн төлбөрийг хийх ёстой хэмээн онцолжээ. Тэрээр үүсээд буй нөхцөл байдлыг 1991 онд Садам Хуссейн тэргүүтэй Иракын цэргүүд Кувейт рүү халдсантай адилтгасан байна. Энэ дайны нөхөн төлбөрт Ирак 320 тэрбум ам.доллар төлөхөөр болсон.

Тэрээр “Үүнийг оросуудын Украины Донбасс-т хийж буй дайнтай харьцуулахын аргагүй хамаагүй их хохирол учруулсан тул 350 тэрбум ам.доллар нэхэмжилсэн” гэжээ.

ХБНГУ-ын канцлер Ангела Меркель ОХУ-д айлчилж байх үед Украины Эдийн засгийн хөгжлийн яамны нэгдүгээр орлогч сайд дээрх мэдэгдлийг хийлээ. В.Путин, А.Меркель нар Украиныг хямралаас гаргах асуудлыг хэлэлцсэний дараа Оросын Ерөнхийлөгч Киевт хандан Донбасст байгаа салан тусгаарлах үзэлтнүүдтэй хэлэлцээ хийхийг уриалсан юм.

Г.Үжин