АНУ-ын Төрийн нарийн бичгийн дарга Жон Керри, ОХУ-ын Ерөнхийлөгч Владимир Путин нар өчигдөр ОХУ-д уулзлаа. Жон Керри энэхүү уулзалтыг “илэн далангүй уулзалт” болно хэмээн онцолж байна.

Путин, Керри нар Сочи хотын Хар тэнгисийн эрэг дэх амралтын газарт олон цагийн турш Украины асуудлыг хэлэлцсэн байна.

Жон Керри 2014 оны эхээр Украинд эхэлсэн хямралаас хойш анх удаагаа ОХУ-д айлчилсан нь Украины хямралын асуудал, түүнээс үүдсэн томоохон гүрнүүдийн дайсагналд цэг тавьж магадгүй гэсэн найдлага үүсгээд байгаа юм.

Хоёр талын уулзалт найман цаг үргэжилсэн бөгөөд талууд Минскийн энхийн хэлэлцээрийг цуцлахгүйгээр хадгалж үлдэх нь чухал гэдгийг хүлээн зөвшөөрсөн байна.

ОХУ Украины салан тусгаарлагчдад цэрэг, зэвсэг илгээж байгаа гэх мэдээллийг үгүйсгэсэн байна. Гэвч Оросын Гадаад хэргийн сайд Сергей Лавров өчигдрийн хэвлэлийн хурлын үеэр Украины энхийн хэлцээр одоо хүртэл зөрчигдсөөр байгааг онцолсон юм. Харин Жон Керри Минскийн хэлэлцээрийг бүрэн хэрэгжүүлэх нь чухал гэдгийг тэмдэгдлээд, энхийн хэлэлцээр хэргэжсэн үед л Европын холбоо болон АНУ ОХУ-ын эсрэг хоригоо цуцална гэжээ.

Талууд уулзалтын дараа хамтарсан хэвлэлийн хурал зохион байгуулсан нь АНУ, ОХУ-ын харилцан ойголцлыг дээшлүүлэх чухал ач холбогдолтой арга хэмжээ боллоо хэмээн үзэж байна.

Украины 2014 оны дөрөвдүгээр сард эхэлсэн мөргөлдөөнөөр 6000 гаруй хүн амиа алдсан билээ.

Г.Үжин