Египетийн Хууль зүйн сайд Махфуз Сабер олон нийтийн дунд ихээхэн шуугиан дэгдээсэн зүйл ярьсныхаа төлөө огцорчээ. Сайд телевизэд өгсөн ярилцлагынхаа үеэр шүүгч хүн "баян чинээлэг, өндер ёс суртахуунтай гэр бүлд хүмүүжсэн байх ёстой” хэмээн мэдэгджээ.

Түүнчлэн “Харин цэвэрлэгч нарын хүүхдүүд бэрхшээлтэй тулгарч, сэтгэл санааны хямралд өртөх магадлалтай учир өөртөө таарсан ажил хайсан нь дээр” гэж ярьсан нь олон нийтийн бухимдлыг ихэд төрүүлжээ.

Хууль зүйн сайдын хэлсэн үгийг олон хүн арьс өнгөөр гадуурхсан, ядуучуудыг доромжилсон үйлдэл хэмээн хүлээж авсан байна.

Махфуз Сабер буруу зүйл ярьснаа хүлээн зөвшөөрч, олон нийтийн үзэл бодол, жирийн иргэдийг хүндэтгэх үүднээс огцорч байгаагаа мэдэгджээ. Харин Египетийн Еронхий сайд Ибрагим Махляб Заогийн газар нийгмийн аль ч давхаргыг ялган гадуурхах ёсгүй хэмээн мэдэгдсэн байна.

Г.Үжин