Ингэхэд та бяцхан зохион бүтээгч нарт зориулсан өдөр байдаг гэдгийг мэдэх үү? Тэгвэл ийм өдөр байдгийг Бенжамин Франклинтай холбож ойлгох нь зүйтэй байх. Яагаад гэхээр бяцхан зохион бүтээгчид болоод түүний төрсөн өдөр давхацдаг юм. Үүнийг жирийн нэг тохиолдол гэж үздэггүй. Учир нь Бенжамин хүү 12 настайдаа наашаа цаашаа ганхдаг сандал, цахилгаан эрчим хүчний тоног хэрэгсэл дээр нэмэх, хасах тэмдэг тавих санал зэргийг гаргаж байжээ. Ер нь энэ дэлхий дээр зохион бүтээх авьяас бүхий маш олон хүүхдүүд төрсөн байдаг. Тиймээс хүүхдүүдийн хамгийн сонирхолтой нээлт хийсэн жишээнээс хэдийг татаж үзэцгээе.

1. 1. Цасны чаргыг Канадын Жозеф-Арман Бомбардье зохион бүтээсэн байдаг юм. Аав нь түүний 15 насны ойгоор Форд маркийн автомашин бэлэглэжээ. Нөгөөх нь эвдрэл гэмтэл ихтэй байсан учир бараг явдаггүй шахам байв. Тэгэхээр нь Арман машинаа задлаад огт өөр зүйл хийхээр шийджээ. Ингэснээр анхны цасны авто чарга бий болсон түүхтэй. Дараа нь Арман нисэх онгоц зэрэг бусад техникүүдийг хийж эхэлсэн бөгөөд харин чаргаа одоо хүртэл үйлдвэрлэсээр байдаг ажээ.
2.  
3. 2. Батутыг 16 настай гимнастикчин Жон Ниссен зохиожээ. Мөн өнгөрсөн хугацаанд батутын хэв маяг огтхон ч өөрчлөгдөөгүй нь бас нэгэн гайхамшигт тооцогддог.
4.  
5. 3. Калифорнийн дунд сургуулийн сурагч Иша Каре гар утас цэнэглэх хамгийн орчин үеийн зай хураагуур зохиожээ. Уг зай хураагуур 20 секундын хугацаанд гар утсыг бүрэн цэнэглэдгээрээ онцлогтой.
6.  
7. 4. Бараг 100 жилийн өмнө Фрэнк Эпперсон шөнөдөө стакан хийжүүлсэн усанд нарийхан төмөр хоолой дүрээд гадаа гарган тавьдаг  байжээ. Харин 1923 онд 18 нас хүрээд гэнэтхэн үүнийгээ санаснаар жимс хольж хөлдөөсөн мөс худалдаалдаг дэлгүүр нээсэн байна.
8.  
9. 5. Дунд сургуулийн хүүхдүүд л гэхээр амттан шимттэнтэй холбоотой, эсвэл зугаа гаргах зүйлүүдийг бодож олдоггүй. 15 настай Дек Андрака хүү уушиг, дэлүүний хорт хавдрыг эхний шатанд нь оношлох аргыг олсон байдаг. Хамгийн гол нь уг аргаар таван минутад оношилдог нь  гайхамшигтай ажээ.
10.  
11. 6. А Луй Брайль 15 настайдаа хараагүй хүн унших боломжийг олгосон цагаан толгой зохиосон байдаг. Одоо ч түүнийг дэлхийн бүх оронд хэрэглэж буйгаараа онцлогтой юм. Тэрбээр тухайн үед цэргийнхэн нууц мэдээг харанхуйд дамжуулдаг байсан зарчмыг ашиглан  зохиожээ.
12.  
13. 7. Автомашины яндангаар цацагдаж байгаа нүүрсхүчлийн давхар ислийг хүчилтөрөгч болгон хувиргах төхөөрөмжийг сурагч Парам Жагги зохион бүтээж, дэлхийн чихийг дэлдийлгэсэн байна. Энэ нээлт 2011 оноос хойшхи гурван жилийн хугацаанд санаанд оромгүй үр дүн өгчээ. Тэрбээр машины янданд ердийн усны ургамал бүхий хаалт хийсэн бөгөөд нөгөөх нь нүүрсхүчлийн давхар ислийг шууд хүчилтөрөгч болгон хувиргадаг ажээ.