АНУ-ын Филадельф хотод хаяа дүүргийн галт тэрэг осолдсон ноцтой хэрэг гарлаа. Ослоор долоон хүн амиа алдсан байна. Аюулгүй байдлын мэргэжилтнүүдийн мэдээлснээр галт тэрэг зохих хэмжээнээс хоёр дахин их хурдалсны улмаас замаас гарч осолджээ.

Галт тэрэгний жолооч цагт 50 км хурдлах зам дээр 170 км хүртэл давхисны дараа аюулын тоормосоо татсан боловч тус болохоос оройтсон байжээ.

Галт тэрэг хурдтай явж байсан нь нуранги дундаас олдсон хар хайрцагны мэдээллээр тогтоогдсон байна.

Тээврийн хэрэгсэл Вашингтоноос Нью-Йорк хүрэхээр явж байхдаа мягмар гарагийн шөнө осолдсон бөгөөд 200 гаруй хүн гэмтэж бэртсэн байна. Тэдний заримынх нь биеийн байдал хүнд байгаа тул амиа алдагсдын тоо нэмэгдэж магадгүй аж.

Амиа алдсан долоон хохирогчдоос зөвхөн гурвыг нь хэн болохыг тогтоогоод байгаа юм байна.

Галт тэрэг нь осолдсоны дараа “Амтрак” компанийн төсвийг 5 дахин буруулахыг зарим хүмүүс шаардаж эхэлсэн байна. Учир нь АНУ нийтийн тээврийн төсвөө батлахаар хэлэлцэж байгаа бөгөөд ердөө 18 хоногийн дараа шийдвэр гаргахаар хүлээгдэж байгаа юм.

“Амтрак” нь улсын санхүүжилттэй галт тэрэг үйлчилгээний компани бөгөөд өдөрт дунджаар 10 сая хүнд үйлчилдэг байна.

Г.Үжин