Оюу толгойн төслийг хэрэгжүүлж байгаа "Айвенхоу Майнз" компаний хүний нөөцөд "Рио Тинто" компани өөрчлөлт хийж байгаа. Өнгөрсөн сарын 18-нд "Айвенхоу Майнз"-ын гүйцэтгэх захирал Р.Фрийдландийг ажлаас нь чөлөөлж, "Рио Тинто"-д ажиллаж байсан хүнийг тавьсан. Тэгвэл тус компаний ТУЗ-ын дарга болон гишүүдийг ч өөрчилжээ. "Айвенхоу Майнз"-ын ТУЗ-ын даргаар "Рио Тинто" компаний Австрали, Индонези дахь алт, нүүрсний олборлолтын салбарыг хариуцаж байсан Дэвид Клингнерийг томилсон байна. Тэрбээр уул уурхайн салбарт 40 орчим жил ажилласан туршлагатай нэгэн аж. Мөн ТУЗ-ын гишүүнээр Лива Махлерийг сонгон ажиллуулахаар болжээ.