Загвар өмсөгч  О.Амгаланбаатарыг "Монгол фильм" групп, найруулагч Д.Золбаярын "Учиртай гурав" киноны гол дүр буюу Юндэнд тоглосоноор нь хүмүүс таних болсон. Угтаа бол тэрбээр загвар өмсөгч залуу загвараараа анх олны танил болж байсан билээ.

Орчин үеийн Юндэнгээс тайгын залуугийн дүрийг чадварлаг бүтээж чадсан чамгүй жүжигчин. Тэрбээр "Өчигдөр тавьтаргүй залуу сахилгагүйтсэн бололтой тулхтай буурьтай байрын аавдаа алгадуулж байхтай таарав. Зэрвэс харахад зэмлэмээр ч тэр залуугийн өмнөөс байгаагийн жаргалыг мэдэрч л байгаа байхдаа, яасан ч азтай юм бэ дээ гэсэн шүү бодлууд эргэлдээд шөнөжин л элдвийг эргэцүүллээ..,

Амьдралд барьц алдах, асуудлуудаа өөрөө шийдэх гээд хүчин мөхөсдөх үедээ аав гэдэг хүн байсан бол уул нь.., гэх арга ядсан бодлууд ч орж ирэх үе байх л юм. Энэ хүү олигтойхон хүн болоосой гэх эхийн минь өдий хүртэлх шаналлыг тэр хүн мэдрээгүй. Бүрэлдэхэд нь хоёулаа оролцчихоод бүүвэйн дуу аялж, уургаа амлуулснаараа эх хүн бүр цаашлаад эмээ өвөө минь эрхлүүлэх жаргалыг нь эдэлсэн ч эрийн цээнд хүргэх ялыг нь үүрсэн гэхээр дэндүү шударга бус санагдаад байхын.

Аав ээжийнхээ алдаа оноог үр хүүхэд нь шүүдэггүй юм гэнэ лээ. Намайг хорвоод хүний тоо нэгээр нэмэх гээд ирэх үеийн намтар түүхийг би асуудаггүй, хойшид сонирхох ч үгүй, хэлсэн ч сонсох ч үгүй.

Тоглоом булаацалдаад аавгүйгээрээ дуудуулах бага насандаа, тогоо тасдуулаад сууж байсан тарчигхан үедээ ч эд мөнгө биш эр хүн л дутаж байсныг энэ эрхэмийг олж уулзаад заавал хэлнээ би!!!

Амьдралд ам гарч болдоггүйг би мэднэ. Гэвч хүсэж олдсон хүүхдээ битгий хэл, хүсээгүй хүнээс хүүхэдтэй болсон ч эсвэл бүр хүүхэдтэй хүнтэй суусан ч эцгийнхээ гаргасан алдааг давтах тэнэг үр биш гэдгээ өөртөө нотлох гэхдээ эцэг нь, маш сайн эцэг нь болноо гэж үргэлж боддог. Тиймдээ ч дагавар хүүхдийн тухай дахин дахин ярьж "далий гар"-аараа дуудуулдаг биз.

Алдаа гаргачихаад аавдаа алгадуулдаг, амжилт гаргачихаад үнэрлүүлж шагнуулдаг, үлгэр дуурайлал, өмөг түшиг аавтай хүмүүст өдий болтол сэмхэн дотроо өчнөөн ихээр атаархаж явсан юм билээ. Өчигдөрхөн л мэдлээ.., Хүүхэд бишдээ өдий насанд хүнд гомдол тээж явна ч гэж юу байхав. Гэлээ ч хүлээлттэй байсан 27 жилийн гомдлоо хүүхэдтэй болохоос нааш бүр мөсөн мартана гэж байхгүй юм шиг байнаа..,у гэж өөрийн сэтгэл угтаа нуугдаж явдаг бодлоо цахим найзуудтайгаа хуваалцлаа.

Д.Ана