АНУ-д зохиогдож буй 2016 оны олимпийн эрх олгох буудлага спортын Дэлхийн цомын аварга шалгаруулах тэмцээнд Гавьяат тамирчин О.Гүндэгмаа оролцож байгаа. Тэрээр өнөөдөр өглөө болсон хийн гар бууны 10 метрийн төрөлд мөнгөн медаль хүртлээ.
О.Гүндэгмаа 384 оноогоор 8-р байраар финалд шалгарч, улмаар финалд амжилттай буудаж, мөнгөн медаль хүртсэн байна. Энэ дасгалд нийт 91 буудагч өрсөлдсөнөөс Болгарын буудагч, "Дэлхийн цом"-ын аварга Бонева Антонита түрүүлж, Грекийн залуу буудагч Анна Коракаки хүрэл медаль хүртжээ. Манай тамирчин, ОУХМ Т.Баярцэцэг 383 оноогоор 13-р байрт бичигдсэн байна.
Тэрээр "Дэлхийн цом"-ын тэмцээний 25 метрийн спорт гар бууны төрөлд алтан медаль хүртсэн билээ.
