Дизайнерууд ч бас бидний нурууг хайрладаг л юм шүү дээ! Хөлийг ядраалгүйгээр чамайг загварын мэдрэмжтэй харагдуулах энэ зуны 6 трендийг танилцуулж байна.
Энэ зуны “хөлд эвтэйхэн” 6 тренд

Жич: Хэрвээ чи өдөр бүр гэдэсний таталт, нурууны дасгал хийдэггүй л бол өндөр өсгийттэйгөө ээлжлэх намхан гуталнаас заавал нэгийг авахыг давхар зөвлөе.

1. Флат-форм
Платформтой андууруузай! Зузаан, хавтгай ултай, урдуураа онгорхой сандаалинууд хөлөнд “түшиг” болохоор хүрээд ирлээ. Өндөр харагдах ийм л амархан болсон доо.
Зүүн дээд талаас: DKNY, Carolina Herrera, Roberto Cavalli, Salvatore Ferragamo, Just Cavalli, Micheal Kors

2. Шовх баллерина
Жирийн нэг шовх баллерина хэдэн жилийн өмнө ч байсан. Тэр бол сонин биш. Харин энэ зуных нэмэлт олом, утас, өдөөр баяжиж иржээ. Balenciaga-ийн жинхэнэ балетчинийх шиг загвар нь хамгийн хорхой хүргэм байгаа биз? Зүүн дээд талаас: Balenciaga, J. Mendel, Michael Kors, Bottega Veneta

3. Эрчүүдийн ботинк
Оксфорд загвар тайзнаас халагдаж, оронд нь ийм ботинкнууд орж ирсэн байна.
Зүүн дээд талаас: Victoria Beckham, TIBI, Derek Lam, Chanel

4. Гэрийн шаахай
Гэртээ ч углачихна, гадаа ч өмсчихнө. Гайхах хэрэггүй ээ, “таавчик” үнэхээр моодонд ороод байна. Харах тусам загварлаг харагдах болно. Ийм сандаалийг хэрхэн өмсөхөө “Загварын чиг хандлага” булангаас үзээрэй.
Зүүн дээд талаас: Fauso Puglisi, Christopher Kane, Stella McCartney, Rag and Bone

5. Индүүн пүүз
Загварын ертөнц пүүзийг спорт хэрэгсэл гэдэг утгаар нь харахаа болиод удаж байна. Энэ зуных харин флатформ шиг зузаан, зөөлөн, бамбалзсан ултай байх бололтой. Өнгөний хувьд нэг бол эрээн, нэг бол цулгай цагааныг эрхэмлэж байна.
Зүүн дээд талаас: Burberry Prorsum, DKNY, Giorgio Armani, Bottega Veneta

6. Утсан сандааль
Өвдөг хүрсэн урт утсан сандааль хувцаслалтанд үнэхээр гоё чимэг болдог. Гэхдээ л надад шагайгаар бүсэлсэн нь илүү таалагдаад байгаа юм даа.
Зүүн дээд талаас: Valentino, Micheal Kors, Stella McCartney, Chloe
Чи алийг нь авахаар төлөвлөж байна?