"Эр хүн болгож өгөөч" уран сайхны кино өчигдрөөс Тэнгис, Хүннү моллын дэлгэцнээ гарч эхэллээ. Тайзнаа гурван удаа амилж байсан уг зохиолыг дэлгэцийн бүтээл болгохоор жүжигчин, найруулагч Э.Батхүү ажилласан юм.

"Mind media group"-ийн бүтээл тус киноны гол дүрд жүжигчин Төрийн соёрхолт, МУГЖ Ц.Төмөрбаатар, АЖ С.Сарантуяа, СТА Э.Мөнхтөр, СТА Д.Бямбацогт, О.Цэнгэл нар тоглосон юм. Кино нээлт ч сайхан болж үзэгчид сэтгэл хангалуун байсан гэдгийг хамгийн эхэнд онцолмоор байна.  Жүжигчдийн хувьд бүтээлийг жинхэнэ амилуулж чадсан гэдгийг киног үзсэн олон хүн онцолж байсан юм.

Эцэг, эхийн хайр ямар хүчтэйг, хайр мөнгөнөөс үнэ цэнэтэй гэдгийг харуулсан уг киног үзсэн хүн нэгийг тунгаана гэдэгт итгэлтэй байна.

Хайр гэдэг зүйл өвчтэй хүнийг ч босгож, эрүүл бус харилцааг ч сэргээж чаддаг гэдгийг энэ кино жинхэнэ утгаар нь харуулж чаджээ.

Дашрамд хэлэхэд, Киноны продоссероор Э.Батхүү СТА, Д.Жаргалсайхан УГЗ, кино зохиолыг бичсэн Л.Таванбаяр СТА ерөнхий найруулагчаар Э.Батхүү, Ерөнхий зураглаач Б.Отгонзориг СТА ерөнхий зураач Ц.Архад, хөгжмийн зохиолч Б.Одбаяр буюу Оки, дууны найруулагчаар Н.Төгсөө СТА зургийн даргаар Д.Жаргалсайхан нар ажиллажээ.

Маш сонирхолтой ухаарал, уярал хайрласан уг киноны утга санааг дэлгэрүүлэхгүй, нууц хэвээр үлдээе. Харин үзэгч, уншигч заавал зорьж үзээрэй.

24tsag.mn