Универсиад наадмын сагсанбөмбөгийн тэмцээнд манай улсын залуучуудын шигшээ багийнхан өрсөлдөж байна. Тэд өчигдөр эхний тоглолтоо Мексикийн багтай хийж 71:90 онооны харьцаагаараа эхний тоглолтонд хожигдлоо.
28 дахь удаагийн Универсад Наадамд оролцож байгаа манай улсын Залуучуудын сагсан бөмбөгийн шигшээ баг өчигдөр эхний тоглолтоо Латин Америкийн шилдэг багуудын нэг Мексикийн шигшээ багтай хийж 71:90 харьцаатай хожигдлоо.Шигшээ баг дараагийн тоглолтоо өнөөдөр 20:30 цагаас Gwangju University Gymnasium ордонд Монтенегро-ын багийн эсрэг хийнэ. Өчигдөр Монголын багийн тоглолтыг, Эрүүл мэнд спортын сайд Г.Шийлэгдамба, Хүн амын хөгжил нийгмийн хамгааллын сайд, Монголын үндэсний сагсан бөмбөгийн холбооны ерөнхийлөгч С.Эрдэнэ, Монголын оюутны спортын холбооны ерөнхийлөгч, Олон улсын оюутны спортын холбооны ерөнхий санхүүч Д.Баясгалан, Монголын оюутны спортын холбооны ерөнхий нарийн бичгийн дарга Д.Жаргалсайхан нар үзэж сонирхон багаа дэмжлээ.
Монголын сагсан бөмбөгийн залуучуудын шигшээ баг хэсэгтээ Мексик, Монтенегро, Канад, ОХУ, Шведийн багтай учраа таараад байгаа юм.
Залуучуудын шигшээ багийнхан өнөөдөр Монтенегрогийн багтай тоглоод маргааш буюу даваа гарагт ОХУ-ын багтай тоглоод энэ сарын 7-ны өдөр амраад 8-ны өдөр дараагийн тоглолтоо Канадын багтай хийх хуваарьтай байна.
Сэтгэгдэл (2)