Өчигдөр Баянгол дүүргийн АН-ын хороо хуралдаж 2012 оны сонгуульд нэр дэвшигчийг хэлэлцэж, тодруулжээ. Хоёр мандаттай энэ дүүрэгт тус намаас УИХ-ын гишүүн С.Эрдэнэ, АН-ын ҮЗХ-ны гишүүн С.Одонтуяа нарыг өрсөлдүүлэхээр болсон байна. 2008 оны сонгуулиар санал будлиантсан хэргээр шинэ гишүүнийг томилохгүй удсан энэ тойрогт өмнөх шигээ ширүүн өрсөлдөөн болох төлөвтэй.
С.Эрдэнийн хувьд 2008 онд мөн л Баянгол дүүргээс нэр дэвшиж, УИХ-д сонгогдож байсан. Сонгуулийн үеэр Нийгмийн даатгалын сангийн дарга байхдаа албан тушаалаа ашиглан бусдад мөнгө шилжүүлсэн гэх зэрэг нэлээн хэдэн фактаар шалгагдаж байлаа. Гэсэн ч түүний хэргийг Нийслэлийн прокурорын газар шилжүүлж, түдгэлзүүлээд байгаа юм. Парламентийн танхимд намынхаа өмнөөс овоо хэдэн үг дуугарчихдаг, Баянгол дүүргийн иргэдэд нэр нөлөөтэйг нь харгалзан намын хорооныхон нь ийм шийдвэр гаргажээ.
Харин эдийн засагч мэргэжилтэй “Иргэн та баялаг” сангийн тэргүүн, “Сентоза”-гийн захирал С.Одонтуяагийн хувьд өмнөх сонгуульд энэ тойрогт нэр дэвшин өрсөлдсөн ч ялалт байгуулж чадаагүй юм. Гэсэн ч энэ жил хуульч Х.Тэмүүжинг ардаа орхин даагаа нэхэхээр болжээ. Сонгуулийн хуулийн дагуу эмэгтэйчүүдийн тоог нэмэх шаардлагатай байгаа тул АН Х.Тэмүүжингээр туршлагатай эмэгтэй нэр дэвшигчийг даруулахыг хүсээгүй бололтой.
Энэ шийдвэрийн тухайд Баянгол дүүргээс парламентад дөрвөн жил суусан УИХ-ын гишүүн Х.Тэмүүжин “УИХ-ын сонгуульд Баянгол дүүрэгт АН-аас С.Эрдэнэ, С.Одонтуя хоёр өрсөлдөхөөр боллоо. Амжилт хүсэе. Нэгийгээ битгий бэлгэнд өгчихөөрэй” гэж фэйсбүүк хуудасдаа бичсэн байна. Намын нөхөддөө амжилт хүссэн энэ үгийнх нь доор Х.Тэмүүжин гишүүнийг өөрөө ямар тойргоос нэр дэвших гэж байгаа талаар асууж сурагласан хүмүүс сэтгэгдэл бичжээ. Хуучин тойргоосоо мандатын хувь авч чадаагүй Х.Тэмүүжин гишүүний хувьд 2012 оны сонгуульд хаанаас нэр дэвших нь тодорхойгүй болоод байна. Авлигалын эсрэг нэлээн хэдэн чанга хууль баталсан түүнийг дахин нэр дэвшихгүй бол харамсах хүн олон байгаа. Зарим эх сурвалжийн 24tsag.mn-д хэлснээр түүнийг намын жагсаалтанд оруулж магадгүй аж. Хэрэв үгүй бол одоогоор Х.Тэмүүжинд гэж нэр цохсон тойрог байхгүй байгаа юм.
МАН-ын хувьд урьдчилсан байдлаар УИХ-ын гишүүн Ц.Мөнх-Оргил, ерөнхий сайдын зөвлөх Б.Лхагважав нарын нэр яригдаж байгаа. Ойрын өдрүүдэд энэ нэр эцсийн байдлаар зарлагдах тул хэн хэн Баянголын мандатын төлөө "тулах" нь удахгүй тодорхой болно.
С.Эрдэнийн хувьд 2008 онд мөн л Баянгол дүүргээс нэр дэвшиж, УИХ-д сонгогдож байсан. Сонгуулийн үеэр Нийгмийн даатгалын сангийн дарга байхдаа албан тушаалаа ашиглан бусдад мөнгө шилжүүлсэн гэх зэрэг нэлээн хэдэн фактаар шалгагдаж байлаа. Гэсэн ч түүний хэргийг Нийслэлийн прокурорын газар шилжүүлж, түдгэлзүүлээд байгаа юм. Парламентийн танхимд намынхаа өмнөөс овоо хэдэн үг дуугарчихдаг, Баянгол дүүргийн иргэдэд нэр нөлөөтэйг нь харгалзан намын хорооныхон нь ийм шийдвэр гаргажээ.
Харин эдийн засагч мэргэжилтэй “Иргэн та баялаг” сангийн тэргүүн, “Сентоза”-гийн захирал С.Одонтуяагийн хувьд өмнөх сонгуульд энэ тойрогт нэр дэвшин өрсөлдсөн ч ялалт байгуулж чадаагүй юм. Гэсэн ч энэ жил хуульч Х.Тэмүүжинг ардаа орхин даагаа нэхэхээр болжээ. Сонгуулийн хуулийн дагуу эмэгтэйчүүдийн тоог нэмэх шаардлагатай байгаа тул АН Х.Тэмүүжингээр туршлагатай эмэгтэй нэр дэвшигчийг даруулахыг хүсээгүй бололтой. 
Энэ шийдвэрийн тухайд Баянгол дүүргээс парламентад дөрвөн жил суусан УИХ-ын гишүүн Х.Тэмүүжин “УИХ-ын сонгуульд Баянгол дүүрэгт АН-аас С.Эрдэнэ, С.Одонтуя хоёр өрсөлдөхөөр боллоо. Амжилт хүсэе. Нэгийгээ битгий бэлгэнд өгчихөөрэй” гэж фэйсбүүк хуудасдаа бичсэн байна. Намын нөхөддөө амжилт хүссэн энэ үгийнх нь доор Х.Тэмүүжин гишүүнийг өөрөө ямар тойргоос нэр дэвших гэж байгаа талаар асууж сурагласан хүмүүс сэтгэгдэл бичжээ. Хуучин тойргоосоо мандатын хувь авч чадаагүй Х.Тэмүүжин гишүүний хувьд 2012 оны сонгуульд хаанаас нэр дэвших нь тодорхойгүй болоод байна. Авлигалын эсрэг нэлээн хэдэн чанга хууль баталсан түүнийг дахин нэр дэвшихгүй бол харамсах хүн олон байгаа. Зарим эх сурвалжийн 24tsag.mn-д хэлснээр түүнийг намын жагсаалтанд оруулж магадгүй аж. Хэрэв үгүй бол одоогоор Х.Тэмүүжинд гэж нэр цохсон тойрог байхгүй байгаа юм. МАН-ын хувьд урьдчилсан байдлаар УИХ-ын гишүүн Ц.Мөнх-Оргил, ерөнхий сайдын зөвлөх Б.Лхагважав нарын нэр яригдаж байгаа. Ойрын өдрүүдэд энэ нэр эцсийн байдлаар зарлагдах тул хэн хэн Баянголын мандатын төлөө "тулах" нь удахгүй тодорхой болно.
Т.Гэрэл
