УИХ-д Архангай аймгаас гурван ч удаа нэр дэвшин, суудал авч байсан Эрүүл мэндийн сайд асан С.Ламбаа энэ удаа нийслэлд хүч үзэхээр болжээ. Тэрбээр нийслэлийн Сонгинхайрхан дүүргээс нэр дэвшихээр болсон тухай ойрын эх сурвалж мэдээлж байна. Архангай аймаг 2012 оны сонгуулиар хоёрхон мандаттай, энэ орон тоонд УИХ-ын гишүүн Н.Батбаяр, Гадаад хэргийн дэд сайд асан Б.Болор нар бичигдэж байгаа. Харин гурван мандаттай Сонгинохайрхан дүүрэгт АН-аас С.Ламбаа гишүүнтэй хамт “Монос” группын захирал Л.Эрдэнэчимэг, ерөнхийлөгчийн зөвлөх Л.Эрхэмбаяр нар өрсөлдөхөөр нэр нь яригдаж байгаа юм. МАН-ын хувьд энэ дүүрэгт эхний байдлаар аварга Д.Сумъяабазар, Эрүүл мэндийн сайд Н.Хүрэлбаатар, ЗТБХБ-ын сайд Ц.дашдорж нарын нэр сонсогдож байна.
С.Ламбаа гишүүнийг өмнө нь туршлагатай улс төрчийн хувьд намын нэрийн жагсаалтанд орно гэж таамаглаж байсан ч байдал өөрөөр эргээд байна. 12 жил төлөөлсөн Архангайд нь ч түүнд нэр дэвших боломж олдоогүйг бодоход ирэх парламентийн суудал түүний хувьд хүндхэн асуудал болох бололтой.
