Жүдо бөхийн Зүүн Азийн аварга шалгаруулах тэмцээнд Монголын тамирчид амжилттай оролцлоо. Өмнөд Солонгосын Гочан хотод болсон энэ тэмцээнд эрэгтэйчүүдийн 73 кг-ын жинд Ц.Нарантогтох мөнгөн медаль хүртсэн байна. Мөн 60 кг-ын жинд Д.Баярмагнай, 81 кг-д Х.Цогтгэрэл, 90 кг-д Б.Жанчивдорж, эмэгтэйчүүдийн 70 кг-д Ц.Цэрэнханд нар хүрэл медаль авчээ. Энэ тэмцээний үеэр дасгалжуулагч Б.Ганбод, И.Отгонбаяр нар олон улсын шүүгчийн шалгалт өгч олон улсын В зэрэглэлийн шүүгч болсон сайхан мэдээ байна.