Баруун Хятадын автономит Шинжан Уйгараас нэн ховордсон дөрвөн тахийг даваа гарагт Монгол улс руу илгээжээ. Манай их Говийн дархан газарт шилжүүлэн авчирсан тахийг шинэ нутагт нь авчрахын өмнө сарын хугацаатай тусгаарлажээ. Удахгүй тэд “шинэ ангийнхаа” нөхөдтэй танилцах болно.
   Шинжааны зэрлэг адуу үржүүлгийн газрын захирал Чао Жигийн хэлж байгаагаар “Энэ нь 17 жилийн дараа гадаад улс руу зэрлэг адуу илгээж байгаа анхнын тохиолдол” юм. Дэлхий дээр Хятад Монгол хоёр улс л тахийг зэрлэг онгон байгальд нь байлгадаг. Эх байгальдаа амьдрах нь зэрлэг адууны генетикийн давуу байдал, амьдрах чадвар зэрэгт нь сайнаар нөлөөлнө гэж хоёр орны амьтан судлаачид үзэж байгаа юм. Монгол Хятад улс хамтран ойрын хугацаанд Герман, Америк, Британи зэрэг улстай тахь солилцохоор төлөвлөж байна.

   Тахь бол одоогийн Монгол болон Шинжан Уйгарын нутагт эрт үеэс идээшин нутаглаж ирсэн амьтан. 19 дүгээр зууны эхэнд тахийг ихээр агнаснаас болж мөхлийн эрмэгт хүрээд байсан бол 20 дугаар зууны дунд үе гэхэд зэрлэг тахь үндсэндээ мөхсөн юм. Одоогийн байдлаар дэлхий дээр 1500 хүрэхгүй толгой тахь бий. Хятадууд 1985 оноос тахь үржүүлгийн хөтөлбөр хэрэгжүүлж эхэлжээ. 2001 онд тахийг эргээд хагас зэрлэг болгосон юм. Энэ хөтөлбөрөөрөө 74 тахийн 57-г нь аварч чаджээ. БНХАУ одоо 267 тахьтай болоод байна.