Өнөөдөр УИХ-ын хаврын нэгдсэн чуулган завсарлана. Үүнээс өмнө гишүүд дөрвөн хуулийн анхны хэлэлцүүлгийг явуулж, нэг хуулийн эцсийн хэлэлцүүлгийг хийнэ. Мөн хаврын чуулган завсарлаж байгаатай холбоотойгоор гишүүд зургаа авахуулж, УИХ-ын дарга үг хэлэх юм. Мөн зургаан хуулийн эцсийн найруулгыг сонсож, батлахаар төлөвлөжээ.

10.30 цагаас:

    "Зарим газар нутгийг улсын тусгай хамгаалалтад авах тухай" Улсын Их Хурлын тогтоолын төсөл /Засгийн газраас өргөн мэдүүлсэн, анхны хэлэлцүүлэг/;

    Орон нутгийн Хурлын сонгуулийн тухай хуульд нэмэлт, өөрчлөлт оруулах тухай хуулийн төслүүдийг нэгтгэсэн төсөл /анхны хэлэлцүүлэг/;

    Монгол Улсын Засгийн газрын тухай хуульд өөрчлөлт оруулах тухай, Монгол Улсын Их Хурлын тухай хуульд өөрчлөлт оруулах тухай хуулийн төслүүд /Монгол Улсын Ерөнхийлөгчөөс өргөн мэдүүлсэн, анхны хэлэлцүүлэг/;

    Монгол Улсын Засгийн газрын тухай хуульд нэмэлт оруулах тухай хуулийн төсөл /Улсын Их Хурлын гишүүн Ж.Сүхбаатар нараас өргөн мэдүүлсэн, анхны хэлэлцүүлэг/;

    Монгол Улсын Их Хурлын тухай хуульд өөрчлөлт оруулах тухай, Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төслүүд /Улсын Их Хурлын гишүүн Н.Батбаяр нараас өргөн мэдүүлсэн, эцсийн хэлэлцүүлэг/;

    Монгол Улсын Их Хурлын хаврын чуулганыг түр завсарлуулах ажиллагаа.

НЭГДСЭН ХУРАЛДААНААР ЭЦСИЙН НАЙРУУЛГА СОНСОХ ХУУЛЬ,

УЛСЫН ИХ ХУРЛЫН ТОГТООЛ:

    Стратегийн ач холбогдол бүхий аж ахуйн нэгжид гадаадын хөрөнгө оруулалтыг зохицуулах тухай болон холбогдох бусад хуульд нэмэлт оруулах тухай хуулиуд;
    Инновацийн тухай болон холбогдох бусад хуульд нэмэлт, өөрчлөлт оруулах тухай хуулиуд;
    Шүүхийн захиргааны тухай болон холбогдох бусад хуульд нэмэлт, өөрчлөлт оруулах тухай хуулиуд;
    Шүүхийн иргэдийн төлөөлөгчийн эрх зүйн байдлын тухай хууль;
    Эвлэрүүлэн зуучлалын тухай болон холбогдох бусад хуульд нэмэлт, өөрчлөлт оруулах тухай хуулиуд;
    "Монгол Улсын төрөөс баримтлах соёлын бодлогыг шинэчлэн батлах тухай" Улсын Их Хурлын тогтоол.