Нийслэл хотод арьс шир боловсруулах үйл ажиллагаа явуулдаг 29 үйлдвэр бий. Дээрх үйлдвэрүүд “Харгиа”–д нийлүүлсэн хэт бохир усыг төв цэвэрлэх байгууламж цэвэрлэж дийлэхгүй Туул голд цутгадаг. Үүнээс болж нийслэлийн ойр орчимд бохирын эвгүй үнэр ханхийх нь олон. Иймээс Байгаль Орчин Аялал Жуулчлалын сайд Д.Цогтбаатар арьс ширний үйлдвэрүүдийн удирдлагуудтай уулзаж, ирэх 11 дүгээр сар гэхэд үйлдвэртээ бохир ус цэвэрлэх байгууламж бий болгох үүрэг өгсөн байна. 600 сая төгрөгийн төсвөөр цэвэрлэх төхөөрөмж суулгахаар төлөвлөжээ. Харин тогтсон хугацаанд амжиж суулгахгүй бол үйл ажиллагааг нь зогсоохоор хүртэл арга хэмжээ авах аж.