"Дэлхийн мисс 2014" тэмцээнд эх орноо төлөөлөн амжилттай оролцож байсан Төрбатын Батцэцэгт Ливан улсын Бейрут хотноо ирэх сард болох гэж буй “ Top model international 2015” тэмцээнд Монгол Улсаа төлөөлөн оролцох урилга ирсэн байна.
Топ модель Х.Бадамгэрэл, Э.Энхтүвшин. Б.Билгүүн нар тус тэмцээнд нэг баг болон оролцох юм байна.
Тэрбээр энэ талаараа хэвлэлд өгсөн ярилцлагадаа “Одооноос тэмцээндээ бэлтгэж эхлээд байна. Зав муутай болохоор сайн бэлтгэж чадахгүй юм. Гэхдээ туршлагатай учраас сайн оролцоно гэж итгэж байгаа” хэмээн ярьсан аж.
Т.Батцэцэг нь 2012 онд “Манжуурын мисс” тэмцээнд оролцож тэргүүн миссээр тодорсон бөгөөд тэр үеэс олонд танигдаж эхэлсэн түүхтэй. Гоо сайхан гэдэгт хамгийн түрүүнд гадаад үзэмжээс гадна мэдлэг боловсрол, өөрийгөө илэрхийлэх чадвар зэрэг олон зүйл багтдаг хэмээн боддогоо сэтгүүлчид ярьсан байсан юм.
Түүний төрсөн өдөр удахгүй болох ч төрсөн өдрөө тийм ч сүр дуулиантай тэмдэглэдэггүй аж. Энэ жилийн төрсөн өдөр тэмдэглэхдээ зарцуулах гэж мөнгөөрөө хичээлийн хэрэглэлээ бэлтгэх боломжгүй хүүхдүүдэд туслахаар болсон байна. Мөн мисс бүсгүй маань захын гэр хороололд хүүхдийн цэцэрлэг олноор барих мөрөөдөлтэй гэнэ лээ.
