Герман улсад төрсөн 1991 оны залуу эмэгтэйн аминд хүрчээ

 Сүхбаатар дүүргийн дөрөвдүгээр хороонд оршин суугч 70 настай эмэгтэйг угаалгын өрөөнд нь хөнөөсөн гэмт этгээдийг саатуулсан талаар манай сайт мэдээлсэн. Цагдаагийн алба хаагчид шуурхай ажилласны эцэст гэмт этгээдийг уржигдар баривчлан байцаалтын ажиллагааг эхлүүлээд байна.

Хэрэгт Сүхбаатар дүүргийн цагдаагийн нэгдүгээр хэлтэс, УМБГ-аас томилогдсон ажлын хэсэг 92 цагийн дотор сэжигтнийг саатуулсан. Сэжигтнээр 1991 онд БНХГУ-д төрсөн, МУ-ын иргэн 24 настай Б гэгч татагдаад байна.

 
Талийгаач бүтэлтийн улмаас нас барсан нь тогтоогджээ

Талийгаачийн гэрээс алдагдсан эд зүйл, гэмт хэргийг үйлдэхдээ ашигласан хэрэгслийг эд мөрийн баримтаар хураан авч, мөрдөн байцаалтын ажиллагаа хийгдэж байна. Цогцост хийсэн шинжилгээгээр хохирогчийн амь нас нь бүтэлтийн улмаас амь насаа алдсан гэх дүгнэлт гарсан. Хэргийн газраас олдсон эд мөрийн баримтыг үндэслэн Б гэгчийг хэргийг үйлдсэн байж болзошгүй хэмээн энэ сарын 19-ний өдөр дайчлан баривчилсан юм.

 
Сэжигтэн талийгаачийн ач охины үерхэдэг залуу байжээ

Сэжигтэн урьдчилсан байдлаар шунахайн сэдлээр хүний амь насыг хохироосон гэсэн байдал тогтоогдоод байгаа аж. Мөн эх сурвалжуудын хэлж буйгаар сэжигтэн талийгаачийн ач охины найз залуу байжээ. Тэд багагүй хугацаанд үерхэсэн нэгнийхээ ар гэрийн сайн мэддэг хүмүүс байсан талаар эх сурвалжууд хэлж байгаа аж. Талийгаач өөрөө БНХГУ-д амьдарч байгаад ирсэн бөгөөд өөрийн төрсөн хүү нь ч тус улсад байдаг гэнэ.

 
Талийгаачийн гэрээс алмаазан шигтгээтэй бөгж, утас зэрэг алдагджээ

-Бриллиантан шигтгээтэй бөгж болон бусад эд зүйлс алдагдсаныг цагдаагийн байгууллага олж тогтоосон байгаа. Тодруулбал, алмаазан шигтгээтэй бөгжнөөс гадна гар утас, дөрвөн ширхэг түлхүүр, хутга зэрэг алдагджээ.

Д.Дуулим