БАРИМТ 1
1952 оны луу жилд Архангай аймгийн Хотонт сумын нутаг Цагаан Сүмийн голын “Хийд” гэдэг газар төржээ.
БАРИМТ 2
Малчин айл Чимэдийн 12 хүүхдийн дөрөв дэх нь болж төрсөн.
БАРИМТ 3
Гочоосүрэнгийн аав нь Цэнд мээрэнгийн Чоёнгийн Чимэд нь Цэнд мээрэн гэдэг эрдэм номтой, түүх шаштир их уншдаг хүн байж.
БАРИМТ 4
Өвөө аав Чоён нь цэргээс бичиг үсэг сураад ирсэн Өндөрсант сум гэж байхад сум-нэгдлийн дарга, багийн дарга хийдэг хүн байсан гэдэг.
БАРИМТ 5
Арван хүүхдээ тэжээх гэж ийн зүтгэж байсан аав нь 1969 онд цагаан сарын өмнөхөн 54 насандаа бурхан болсон аж.
БАРИМТ 6
Ингээд аав нь өөд болж, ах нь дээд сургуульд явсан тул ээждээ нэмэр болох, хэдэн дүү нараа тэжээх үүрэг Гочоо хүүд ноогдсоноос 15 наснаасаа үйлдвэр бригадад ороод хүнд ажилд зүтгэж эхэлсэн байна.
БАРИМТ 7
Ээж Лхамсүрэн нь Зундуй гэдэг хүний охин бөгөөд өвөө аав Очир нь аян жин тээдэг, их бяртай, том биетэй хүн байсан аж.
БАРИМТ 8
Түүний эцэг Чимэд их том биетэй, залуудаа шаггүй барилддаг, сумынхаа наадамд олон жил зодоглосон, морь сайн уядаг хүн байсан гэнэ.
БАРИМТ 9
17-18 настайдаа үндэсний бөхийн идэрчүүдийн УАШТ-ээс мөнгөн медаль хүртсэн бөгөөд үүнээс хойш бөх болох гараа нь эхэлсэн.
БАРИМТ 10
Тэрбээр 1971 оны зун Улаанбаатарт “Хар усан тохой”-д цэргийн албаа хаахаар болсон.
БАРИМТ 11
Ангийнхаа карантиний баяраар түрүүлж, үндэсний бөхийн армийн аварга шалгаруулах тэмцээнд 18 аймгаас ирсэн шинэ цэргүүдтэй “Алдар” нийгэмлэгийн зааланд хүч үзэж, түрүүлсэн.
БАРИМТ 12
Тэр үед Монгол Улсын ардын багш, гавьяат дасгалжуулагч Ч.Дамдиншарав багш маань намайг анх харж, 05 дугаар ангиас “Алдар”-ын тамирчин, байлдагч цэрэг болсон.
БАРИМТ 13
Ардын хувьсгалын 51 жилийн ойгоор шинэ цэрэг байхдаа улсын баяр наадмаар анх барилдаж, хоёр даваад гуравт улсын арслан Ө.Эрдэнэ-Очирт өвдөг шороодсон гэдэг.
БАРИМТ 14
1975 онд гурвын даваанд Булган аймгийн арслан Волоожыг, дөрөвт улсын начин Д.Шижээг, тавын даваанд улсын арслан Д.Жамцыг давж, улсын начин цолын болзол хангаад зургаад улсын арслан П.Дагвасүрэнд өвдөг шороодсон байна.
БАРИМТ 15
1981 онд ардын хувьсгалын түүхт 60 жилийн ойгоор гуравт Төвийн аймгийн заан Л.Шаравыг, дөрөвт Өмнөговийн Д.Багахүү начинг, тавын даваанд улсын харцага Д.Лхагва-Очирыг, зургаад улсын заан Д.Амгаатай тунан давж, улсын заан цол хүртсэн.
БАРИМТ 16
Тэрбээр 1979, 1988 онд зургаа, 1983, 1985 онд тав давсан. Улсын баяр наадамд нийт зургаан удаа шөвгөрсөн.
БАРИМТ 17
1973 онд Архангай аймгийн түүхт 50 жилийн ой болсон. Аймгийн наадамд Батцэнгэл сумын харьяат, аймгийн арслан Л.Чимэд-Очирыг орхиж түрүүлсэн.
БАРИМТ 18
Тэрбээр өөрийн дүү улсын начин Ч.Батбаатарыг анх “Алдар”-т авчирсан.
БАРИМТ 19
Тэрбээр "бөх хүнд өөрийн гэсэн онцлог мэх байдаг. Тэр унаган мэхээ даамай сайн хийж байж учраагаа давдаг. Зарим үед унаган мэхэндээ бүтэлгүйтэн өвдөг шороодох явдал ч бий. Миний хувьд шуудагдаад хавирах, давуулж гуядах мэхийг гайгүй хийдэг" хэмээн нэгэн ярилцлагадаа дурджээ.
БАРИМТ 20
“Алдар”-аас дархан аварга Д.Цэрэнтогтох, улсын аварга Д.Хадбаатар, арслан Б.Ганбаатар нар түрүүлэх үүрэг даалгавар авдаг байсан бол Ч.Гочоосүрэн армиас шинэ цолтон түрүүлэх даалгавар авдаг байлаа.
БАРИМТ 21
Түүнийг заан болсны дараа жилээс чи одоо арслан болох биш, армиасаа начин төрүүл гээд дарга нар үүрэгддэг байжээ.
БАРИМТ 22
Түүний төрж, өссөн Хотонт сумаас 12 улсын цолтон төрсөн байдаг.
БАРИМТ 23
МНТ-ы 750 жилийн ойн баяр наадмаар Ө.Тулгаа зааны хамт хоёр дүүгээ зөрүүлж аваад начин болгосон яриа гарч байсан.
БАРИМТ 24
Чөлөөт бөхийн “Говь” бөхийн дэвжээнд дасгалжуулагчаар ажиллаж байжээ.
Сэтгэгдэл (7)