2015 оны 8 дугаар сарын 16-ны өдөр найздаа туслах хүсэл эрмэлзлээр жигүүрлэсэн 15 залуу нэгдэн “Нас Залуу” сайн үйлсийн аяныг эхлүүлж, тус аянд олны танил эрхэм хүмүүс нэгдсэнээр олон нийтэд хүрч эхэлсэн билээ.
Аяны гол зорилго нь хорт хавдар гэх аймшигт өвчнөөр шаналж буй 19 настай Б.Бадмаараг охинд туслах, цаашлаад өнөөдрийн нийгэмд хорт хавдраар өвчлөгсдийн нас эрс залуужиж эхэлснийг олон нийтэд сануулан сэрэмжлүүлж, залуучуудыг хавдрын эсрэг уриалахад оршиж байна.
Б.Бадмаараг нь Улаанбаатар хотод 1996 оны 10 дугаар сарын 31-нд төрсөн. 2012 онд Москвагийн нэрэмжит нийслэлийн 33-р сургуулийн 11д ангийг төгсөж, одоо Монгол улсын их сургуулийн Хүмүүнлэгийн ухааны салбар сургуулийн “Монгол хэл уран зохиол”-ын ангийн 4-р курсэд элсэн суралцана. Б.Бадмаараг нь одоогоор “Зөөлөн эдийн хорт хавдар” “Soft tissue sarcoma” гэсэн оноштой Хавдар судлалын үндэсний төвд хэвтэн химийн эмчилгээ хийлгэж байгаа бөгөөд хавдар нь +++3 буюу гуравдугаар үе шатандаа орж, Монголд хагалгаа хийх боломжтой ч гоо сайхны нөхөн сэргээлт хийх боломжгүйн улмаас нүүрний зүүн хэсэг үгүй болох эрсдэлтэй гэсэн эмнэлгийн дүгнэлт гарсан юм. Зөөлөн эдийн хорт хавдрын мэс заслыг Солонгос улсын хавдрын “Кирамас” эмнэлэгт хийлгэхийг зорьж байгаа бөгөөд эмчилгээний нийт зардал 170 сая төгрөг болох аж.
“Нас залуу” сайн үйлсийн аяны хамт олон “Нас бэлэглэхэд 1000 төгрөг” давалгааг эхлүүлээд байгаа бөгөөд олон албан байгууллагууд давалгаанд нэгдэн, ажилтан бүр цалингаасаа 1000 төгрөгийг охины эмчилгээний зардалд хандивласаар байна.
Иймд та бүхнийг БИДНИЙ НАЙЗАД АМЬДРАЛ БЭЛЭГЛЭХЭД туслахыг уриалж, уг сайн үйлсийн аяны талаар албан байгууллага, хувь хүн, оюутан залууст хэвлэл мэдээллийн хэрэгслээр түгээхийн тулд Хэвлэлийн бага хурал зарлаж байгаа тул сэтгүүлчид та бүхнийг хүрэлцэн ирэхийг урьж байна.
ХЭЗЭЭ, ХААНА: МОНГОЛ УЛСЫН ШИНЖЛЭХ УХААНЫ АКАДЕМИЙН 3 ДАВХАРТ 12.00 ЦАГТ /СОЁЛЫН ТӨВ ӨРГӨӨ, Б КОРПУС, 3 ДАВХАР, ШУА-ийн МЭДЭЭЛЛИЙН ТАНХИМ-Д/
ХОЛБОГДОХ УТАС: 99776769, 95268835, 99045949
ЗОХИОН БАЙГУУЛАГЧ: “НАС ЗАЛУУ” САЙН ҮЙЛСИЙН АЯН
ЦАХИМ ХАЯГ: https://www.facebook.com/naszaluu
