“Apple” корпораци уламжлал ёсоор жил бүр iPhone-ийн шинэ загварыг танилцуулдаг билээ. 2015 оны шинэ загвар iPhone 6S болон iPhone 6S Plus-ийг танилцуулах ёслол өчигдөр боллоо.  

Шинэ утасны өмнөх загваруудаас ялгагдах онцлог шинж чанаруудыг “Apple” корпораци ингэж онцолжээ.

1. 3D Touch- 3D Touch нь Apple цагны Force touch-той адилхан хэрэглэгчид дэлгэцийн үл ялиг даралтаар өөр функционал хамааралыг танилцуулах боломж олгох юм байна. Ингэснээр хэрэглэгч төрөл бүрийн мэдээллэл өөр өөр чичиргээгээр дамжуулан хүлээн авах аж. Жишээ нь хэрэглэгч камерлуу орж сэлфи дардаг front camera-руу орохгүйгээр дэлгэц дээр удаан дарахад камер аютоматаар нээгдэх юм байна.

2. iPhone 6S нь А9 процессортой бөгөөд iPhone 6-гийн А8 чипээс 70 хувь хурдан гэдгийг онцлож байна. Түүнчлэн график үзүүлэлтийн хувьд өмнөх загварынхаас 90 хувиар илүү гэв.

3. Шинэ iPhone 23-аас олон LTE сүлжээтэй тул роаминг үйлчилгээ авахад илүү амархан бас хурдан болсон байна.

4. Apple iPhone 6S нь motion-ний нэмэлт программ суулгаж өгсөн хамгийн анхны iPhone хэмээн онцолжээ. Өөрөөр хэлбэл Т9 нэртэй программыг чипэнд нь суулгаж өгснөөр олон төрлийн motion сонгох боломжтой болжээ.

5. Хүлээлт ёсоор шинэ загварын камер өндөр хүчин чадалтай болжээ. Арын камер нь 12 мегапиксель нягтаршилтай iSight камер юм байна. Түүнчлэн камерын нягтаршлын мэдрэмтгий элемент 50 хувиар өсчээ. Ингэснээр бичлэг хийх үед албан бус яриа, дуу чимээ зэргийг автоматаар багасгадаг болох юм.

6. Мөн арын камер нь 4K видео буюу 3840 x 2160 хэмжээгээр видео хийх боломж олгож байна.Тухайлбал, iMovie iPhone дээр 4K видеог л засварлах боломжтой байдаг тул үүнийг том дэвшил хэмээн тайлбарлажээ.

7. Урд талын камер ч мөн дэвшиж 5 мегапиксель нягтаршилтай болжээ. Мөн шинэ iPhone-ийн дэлгэц автоматаар гэрэл цацруулдаг болжээ. Retina Flash гэх гэрэл цацруулагч нь хэрэглэгчийг зураг авах үед автоматаар гэрэлтүүлгийг тохируулах бөгөөд, өнөөгийн загваруудаас 3 дахин илүү гэрэлтүүлэх чадвартай болжээ.

8. Өөр нэгэн шинэлэг зүйл нь iPhone 6S Амьд зургууд буюу Live photos нэртэй шинэ төрлийг медиаг бүтээх болжээ. Өөрөөр хэлбэл хэрэглэгч дарсан зургуудаа 3D Touch ашиглан шууд бичлэг болгон хувиргах гэнэ.

9. iPhone 6S-н хүрээг 7000 series хөнгөн цагаан болгож сайжруулсан тул илүү бат бөх болсон гэлээ.

10. Шинэ утас iOS 9 үйлдлийн системтэй бөгөөд энэ сарын 19-ны өдрөөс эхлэн татах боломжтой болох юм. iPhone 6S улаан шар өнгөөр гарсан анхны iPhone боллоо. Хэдийгээр шинэ өнгөөр гарсан ч гэсэн хуучны өнгүүдээ хаяагүй буюу нийт 4 өнгөнөөс сонголт хйих боломжтой.

iPhone 6S болон 6S Plus утаснуудыг урьдчилсан байдлаар энэ сарын 12-ны өдөр хүртэл захиалж болох бөгөөд 9 сарын 25-ны өдөр захиалсан хэрэглэгчдийн гарт очих юм байна. iPhone 6S 199 ам.доллараас эхэлж байгаа бол iPhone 6S Plus 299 ам.доллараас эхэлж байна. Санах ойн багтаамжаас хамаарч үнэ өсөх юм.

Г.Үжин