Найруулагч О.Бат-Өлзий, Б.Тамир нарын ээлжит уран бүтээл “Маш нууц” уран сайхны кино өнөөдөр 17:30 цагт "Тэнгис" кинотеатрт нээлтээ хийнэ. “Фантастик продакшн” , “Ред пойнт” медиагийн хамтарсан тус бүтээлийн гол дүрүүдэд жүжигчин Э.Одбаяр, СТА Б.Тамир, СТА Б.Баярбат, СТА Б.Батсайхан, СТА Э.Алдар, Б.Ганчулуун, Б.Барслхагва, Ц.Амартүвшин, СТА Ж.Алтаншагай, Г.Лхагвацэрэн, О.Дөлгөөн, СТА Г.Золбоот, СТА Г.Чулуунцэцэг, Э.Баярмагнай, СТА Ц.Төмөрхуяг нар тогложээ. Мөн Төрийн соёрхолт, МУГЖ Ц.Төмөрбааатар, МУГЖ Н.Нэргүйбаатар, СТА Д.Бямбацогт, МУГЖ Г.Равдан, СТА Д.Бямбацогт, У.Батбаатар, Энхбаатар нарын жүжигчид оролцон тоглосон байна.. Тус кинонд Хаалттай нийгмийн үед хав дарагдсан нууц үйл явдал, 1970-аад оны цэргийн хүнд хэцүү үйл явдал, тухайн үеийн нийгэм, эдийн засгийн байдлыг тусгажээ.

Дашрамд сонирхуулахад, нээлтийн үеэр үзэгчдийг бас нэгэн сюрприз хүлээж байгаа. Тодруулж хэлбэл, зөвхөн “Маш нууц” уран сайхны киноны нээлтэд зориулан “Маш нууц” хамтлаг байгуулагдсан бөгөөд тэд өнөө орой үзэгчид фенүүдтэйгээ нэгэн үдшийг задгай талбайд өнгөрүүлэх юм.