Өнөөдөр зуны эхэн сарын шинийн 15, Бурхан багш нирваан дүр үзүүлсэн өдөр тул Гэрэлт зул өргөх зохион байгуулах гэж байна. Гэрэлт зул өргөх ёслол орой 19 цагт Төв цэнгэлдэх хүрээлэнд болох юм. Бурхан багшийн их тохиолд өдөр гэж нэрлэдэг энэ өдрийг монголчууд жил бүр зул өргөн тэмдэглэдэг уламжлалтай болоод байна. Харин энэ ёслолд оролцох хүсэлтэй хүн их байдгаас хөл хөдөлгөөн ихтэй, нүсэр, зохион байгуулалт муутай болдог гэсэн шүүмжлэлийг дагуулсаар байгаа. Энэ жил Төв цэнгэлдэх хүрээлэнд тасалбараар орох тул Гэрэлт зулын ёслолд оролцох хүний тоо цөөн, зохион байгуулалт сайтай болно гэж мэдэгдэж байна.