Өмнөговь аймгийн Овоот толгойн ордод үйл ажиллагаа явуулдаг "Саутгоби ресурсз" компани тус аймгийн нутгаас Хятад руу нүүрс зөөх найман гарц шинээр нээсэн байна. Хятад руу гарах нүүрсний экспортыг нэмэгдүүлэх зорилгоор Шивээ хүрэн боомтоос Хятадын Секе боомт хүртэл шинэ зам гаргажээ. Өмнө нь найман метр өргөнтэй ганц замаар Хятад руу хүнд даацын машинаар нүүрс зөөдөг байсан тул осол аваар их гардаг байсан. Шинээр хилийн гарц бий болгосноор замын ачаалал багасч, ослын тоо буурна гэж үзжээ. Эдгээр найман гарц нь долоо хоногийн зургаан өдөр нь 08,00-20.00 цаг хүртэл ажиллах аж. "Саусгоби ресурз" компаний зарим лицензийг Засгийн газраас цуцлах шийдвэр гарсан ч албан ёсоор мэдэгдээгүй тул олборлолтын үйл ажиллагаагаа үргэлжлүүлсээр байгаа юм.
