Өнгөрсөн бямба гаригт буюу зургадугаар сарын 2-ны орой 22.00 цагт “Тэмүүлэл” хотхоны орцонд архидсан 16-17 насны зургаан эрэгтэй хүүхэд жирэмсэн эмэгтэйг зодож танхайрсан байна.
    Өнгөрсөн бямба гаригт буюу зургадугаар сарын 2-ны орой 22.00 цагт “Тэмүүлэл” хотхоны орцонд архидсан 16-17 насны зургаан эрэгтэй хүүхэд жирэмсэн эмэгтэйг зодож танхайрсан байна. Хохирогч эмэгтэй тухайн үед хогоо хаяхаар орцондоо гарахад согтуу хүүхдүүд бие засаж байсан аж. Иймээс эмэгтэй “Хүн амьдардаг газар гэдгийг анхааруулахад, хүүхдүүд өөдөөс нь хэл амаар доромжилж гар хүрчээ. Тиймээс эмэгтэй эсэргүүцэн цамцнаас нь зулгаахад хүүхдүүдийн нэг нь “Чи энэ цамцны үнийг төлж дийлэх үү? Охиныг чинь харсан шүү. Яахыг минь хараарай” хэмээн сүрдүүлсэн байна. Ингээд жирэмсэн эмэгтэй зургаахан настай охиныг нь сүрдүүлэхэд ихэд айж “цагдаад очно” гэхэд түүний хоолойг нь боомилж, гарыг нь мушгин, цагдаа нарыг ирэхээс өмнө гэмт этгээдүүд зугтсан байна. Хэргийг дүүргийн цагдаагийн хэлтэст шалгаж эхэлжээ.