Арав гаруй хоног хуурай өлсгөлөн
зарласан МАХН-ын дарга Н.Энхбаяр өчигдөр шүүх хуралд оролцож, түүний бие
ямархуу байгаад санаа зовсон олон хүнд хариу өгөв. Тэрбээр өөрийгөө
буруугүй, хэлмэгдэж байгаа хэмээн үзсэн хэвээр буй. Н.Энхбаярыг
сонгуулиас өмнө заавал яллах гэж шүүхийн байгууллага зүтгэж байгаа гэх
хардлага нийгэмд төрөөд байгаа. Нөгөө талаас Н.Энхбаяр сонгуульд
оролцохын тулд цаг хожих гэж өмгөөлөгчөө сольж байгаа гэх яриа ч дуулдаж
байгаа юм. Ямартаа ч түүний бие гайгүй сайн тэнхэрсэн бололтой.
Зуны эхэн хөхөгчин могой сарын арван таван буюу Бурхан багшийн их дүйчин өдөр болсон шүүх хурлын дараа Н.Энхбаяр шүүх хурлын танхимаас залбиран гарч ирсэн нь энэ өдрийн онцлох дүр төрх байлаа. Н.Энхбаяр чухам юуны төлөө залбирсан бол гэж олон хүн дотроо бодож хоцров. Ерөнхийлөгч байхдаа Буддын шашныг ихэд дэмждэг байсан, сүсэг бишрэл ихтэй хүн гэгддэг тэрбээр энэ удаа хүнд даваатай тулсан тул ийнхүү залбирав уу?
Зуны эхэн хөхөгчин могой сарын арван таван буюу Бурхан багшийн их дүйчин өдөр болсон шүүх хурлын дараа Н.Энхбаяр шүүх хурлын танхимаас залбиран гарч ирсэн нь энэ өдрийн онцлох дүр төрх байлаа. Н.Энхбаяр чухам юуны төлөө залбирсан бол гэж олон хүн дотроо бодож хоцров. Ерөнхийлөгч байхдаа Буддын шашныг ихэд дэмждэг байсан, сүсэг бишрэл ихтэй хүн гэгддэг тэрбээр энэ удаа хүнд даваатай тулсан тул ийнхүү залбирав уу?
Н.Энхбаяр Монголын шүүхэд итгэж залбирсан уу, эсвэл...?
24tsag.mn
Сэтгэгдэл (5)