Ардчилсан нам Монгол Улсын ноён оргил Алтай таван богд Баян Өлгий аймгаас УИХ ын сонгуулийн сурталчилгаагаа эхлүүлсэн билээ. Баруун аймагт өртөөлж буй сурталчилгааны ажил Увс аймагт энэ сарын тавны өдөр болж АН ын дарга Н.Алтанхуяг, АН ын даргын зөвлөх, Онцгой байдлын сайд асан С.Отгонбаяр, АН ын жагсаалтын 18 д бичигдсэн УИХ ын гишүүн асан А.Эрдэнэбүрэн нар тус аймагт ажилллаа. Увс аймагт АН аас Нийгмийн хамгаалал хөдөлмөрийн дэд сайд асан Д.Нямхүү, хууль зүйн ухааны доктор профессор, хуульч Т.Мэндсайхан нар нэр дэвшиж байгаа бөгөөд нэр дэвшигчдийн сонгуулийн сурталчилгааны нээлт энэ сарын дөрвөнд болсон байна.
АН ын дарга Н.Алтанхуяг, АН аас тус аймагт нэр дэвшиж байгаа Д.Нямхүү, Т.Мэндсайхан, Увс аймгийн АН ын дарга н.Цэндсүрэн, АН ын даргын зөвлөх, Онцгой байдлын сайд асан С.Отгонбаяр, АН ын жагсаалтын 18 д бичигдсэн УИХ ын гишүүн асан А.Эрдэнэбүрэн нар Увс аймгийн Улаангом хотын иргэд, сонгогчидтой уулзалт хийсэн юм. Энэ үеэр АН аас УИХ ын сонгуульд нэр дэвшигч Т.Мэндсайхан, Д.Нямхүү нар хүний хөгжилд тулгуурласан “Монгол хүн” хөтөлбөрийг танилцуулж, давуу талуудыг онцолсон юм. Харин С.Отгонбаяр, А.Эрдэнэбүрэн нар Увс аймгийн иргэдийг АН д саналаа өгөхийг уриалж, 2012 онд Увс нутгийнхан Монгол Улсын Ерөнхий сайдтай болох онцгой, түүхэн боломж тохиож байгааг онцоллоо.
Уулзалтыг эхэнд АН ын дарга Н.Алтанхуяг өөрийн төрж өссөн нутаг Увс аймгийнхандаа хандан “Төрж өссөн нутаг Увс аймаг, Улаан Уул, Хархираа Түргэний уулсаа хараад сэтгэл үнэхээр хөдөлж байна. Энэ сайхан нутгийн эзэд нутагтаа сайхан амьдрах ёстой. Төрж өссөн нутагтаа ардчиллын цэнхэр салхиийг салхилуулахаар Монгол Улсын хувь заяаг дөрвөн жилд шийдэх УИХ ын сонгуулийн өмнө нутагтаа ирлээ. Увс нутгийн унаган хүү Норовын Алтанхуягийн толгойлж буй Арчдилсан нам хариуцлагатай сонгуульд орох гэж байна. АН ын дэвшүүлсэн мөрийн хөтөлбөрийг хэрэгжүүлж чадах, түмэн олныхоо итгэлийг даах, нэр цэвэр 76 хүнээ дэвшүүлсэн. Тэдгээрийн хоёр нь Д.Нямхүү, Т.Мэндсайхан нар юм. Увс аймагт АН ыг ялуулах гэж, Д.Нямхүү, Т.Мэндсайхан нарыг ялуулах гэж Увс нутгийн унаган хүү тань та нарыгаа зорин ирлээ. Увс нутгийнхандаа итгэж байна. Олуулаа ялахын төлөө хамтдаа” гэсэн юм.
Улаангом хотын болон Өмнөговь суманд болсон иргэд сонгогчдын уулзалтын үеэр Увс аймгийнхан нутгийнхаа унаган хүү, АН ын дарга Н.Алтанхуяг болон АН аас нэр дэвшиж байгаа Т.Мэндсайхан, Д.Нямхүү нарыг дэмжиж байгаагаа илэрхийлсэн. Ардчилсан нам Монгол Улсын хэмжээнд ялбал Увс нутгаас Ю.Цэдэнбал, Ж.Батмөнх нарын орыг залгах гурав дахь Ерөнхий сайд төрөх нь хэмээн бэлэгшээж байсан юм. Увс нутгийнхан энэ удаад Ардчилсан намд итгэж, нутгийн хөвгүүдээ төр түшилцүүлж Увсын цэнхэр хязгаарыг ардчиллын цэнхэр хязгаар болгоно гэцгээж байлаа.
