Өнөөдөр ШШГЕГ-ын харьяа 461-р ангид 2008 оны 7-р сарын нэгний хэрэгт буруутай гэж цагдаагийн экс дарга нарыг шүүх хурал болж байгаа. Өглөө 10 цагт эхэлсэн шүүх хурлаар дөнгөж сая Ч.Амарболд, Ш.Батсүх, Г.Ганбаатар, О.Зоригт нарын ялын тогтоолыг уншиж байгаа гэсэн мэдээлэл ирлээ. Одоогоор тэдэнд ямар ял оноосон нь тодорхойгүй байна. Цагийн өмнө шүүхээс энэ хэргийн гэрч болох МАХН-ын дарга Н.Энхбаяр, УИХ-ын гишүүн Ц.Мөнх-Оргил, Д.Лүндээжанцан, С.Баяр нарыг дуудсан. Гэсэн ч тэд одоо хүртэл цагдан хорих төв дээр очоогүй байгаа юм. Харин дуудсан гэрч нар ирээгүй байсан ч шүүхээс ийнхүү тогтоол гаргаж, хуралд оролцогч нарт танилцуулж байгаа аж.Өнөөдөр шүүх хуралд дөрвөн шүүгдэгч байгаа ч тэдний нэг нь болох О.Зоригт хурандаа өмгөөлөгчгүй оролцсон. Түүний бие хурлын үеэр муудсан ч үүнийг хурлыг хойшлуулах шалтгаан болохгүй гэж үзсэн юм. Ямартаа ч бүтэн 11 цаг үргэлжилсэн шүүх хурал дуусчээ. Дэлгэрэнгүйг эргэн мэдээлэх болно.
