Долдугаар сарын 1-ны хэрэгт буруутгагдаад буй цагдаагийн экс дарга нарын шүүх хурал өнөөдөр 10.00 цагаас цагдан хорих 461 дүгээр ангид үргэлжилнэ.
    Долдугаар сарын 1-ны хэрэгт буруутгагдаад буй цагдаагийн экс дарга нарын шүүх хурал өнөөдөр 10.00 цагаас цагдан хорих 461 дүгээр ангид үргэлжилнэ. Өмнө нь өмгөөлөгч шүүгдэгч нараас татгалзсан, шүүгдэгч өмгөөлөгчдөөсөө татгалзсан, шүүгдэгч нарын биеийн байдал муу гэх шалтгаанаар зургаан удаа хойшлоод байсан уг хурлыг өчигдөр 12 цагийн турш хэлэлцэж, 23.00 цагийн үед завсарласан. Тиймээс хурлыг өнөөдөр үргэлжлүүлэн явуулахаар болсон билээ. Өнөөдрийн хурлаар шүүгдэгч нарын ялыг тогтоолыг танилцуулах аж. Эх сурвалжийн мэдээлснээр улсын яллагч нь ЦЕГ-ын даргын үүрэг гүйцэтгэгч, хошууч генерал Ч.Амарболдод ес, Нийслэлийн цагдаагийн газрын Хэв журмын хэлтсийн дарга асан, хурандаа Г.Ганбаатар, Эргүүл хамгаалалтын газрын дарга асан, цагдаагийн хурандаа Ш.Батсүх, Нийслэлийн цагдаагийн газрын дарга асан, хурандаа О.Зоригт нарт найман жилийн чанга дэглэмтэй хорих ангид ял эдлүүлэхээр төлөвлөжээ. Харин шүүх бүрэлдэхүүн өнөөдөр хэлэлцэж, эцсийн шийдвэрийг гаргах аж.