1.    Ч.Амарболд 1956 онд Улаанбаатар хотод төрсөн.
2.    Тэрээр эхнэр гурван хүүхдийн хамт амьдардаг.
1.    Ч.Амарболд 1956 онд Улаанбаатар хотод төрсөн.
2.    Тэрээр эхнэр гурван хүүхдийн хамт амьдардаг.
3.    10 жилээ Нийслэлийн 33 дугаар дунд сургуульд төгсөж, НАХЯ-ны Цэргийн тусгай дунд сургууль, Зөвлөлт холбоот улсын Дотоод явдлын яамны дээд сургууль, ЗХУ-ын Нам, улстөрийн ажилтны дээд сургуулийг тус тус төгссөн.
4.    1977 оноос  Хэнтий аймгийн Галшар суманд хэсгийн төлөөлөгч, аймгийн цагдан сэргийлэх ангид өмчийн төлөөлөгч, 1984 оноос Улсын цагдан сэргийлэх Ерөнхий газар /УЦСЕГ/-ын тасгийн даргаар ажиллаж байжээ.
5.    Улмаар 1986 онд буюу 30-хан настайдаа Хэнтий аймгийн Нийгмийг аюулаас хамгаалах хэлтсийн орлогч бөгөөд Цагдан сэргийлэх ангийн даргаар томилогдсон байна.
6.    1990 оноос нийслэлийн Найрамдлын районы Цагдаагийн хэлтсийн даргаар томилогдсон.
7.    Үүнээс гурван сарын дараа 1990 оны аравдугаар сараас тэрбээр ЦЕГ-ын дэд даргаар ажиллах болов.
8.    1992 оны 12 дугаар сараас ЦЕГ-ын дэд дарга бөгөөд Улаанбаатар хотын Цагдаагийн газрын дарга, 1996-1998 он, 1999-2001 онуудад ЦЕГ-ын дарга, 2006 оны есдүгээр сараас ЦЕГ-ын тэргүүн дэд даргаар ажиллаж байжээ.
9.    Түүнийг цагдаагийн ажилтан болоход хамгийн их нөлөөлсөн хүн нь түүний эцэг Н.Чимэддорж гэдэг. Н.Чимэддорж хүүгийнхээ адил идэр залуугаасаа цэргийн ажил, амьдралд орж, НАХЯ, БХЯ-ны системд 30 гаруй жил ажиллаж, хүүдээ үлгэр дуурайл үзүүлж, сурган хүмүүжүүлсэн байна.
10.    Ч.Амарболдод цагдаагийн ахмад дарга нар, хамт ажиллаж байсан хүмүүс ихэд ам сайтай байдаг аж.
11.    Улмаар 2008 оны гуравдугаар сарын 19-ний өдрөөс ЦЕГ-ын даргын үүрэг гүйцэтгэгчээр ажиллах болжээ.  
12.    Гэтэл түүнийг ЦЕГ-ын даргын үүрэг гүйцэтгэгчээр томилогдсоноос дөрөвхөн сарын дараа сонгуулийн хариуг үл зөвшөөрсөн иргэд үймээн дэгдээж, таван хүний амь нас эрсэдсэн хэрэг гарав.
13.    Удалгүй хэргийг шалгаж, таван хүн амь үрэгдсэн хэрэгт Ч.Амарболдыг, тухайн үед НЦГ-ын даргаар ажиллаж байсан хурандаа О.Зоригт, Нийслэлийн цагдаагийн газрын Хэв журмын хэлтсийн даргаар ажиллаж байсан, хурандаа Г.Ганбаатар, Эргүүл хамгаалалтын газрын дарга асан, цагдаагийн хурандаа Ш.Батсүх  нартай хамт яллагдагчаар татлаа.
14.    Улмаар хэрэгт мөрдөн байцаалт явуулж, тэднийг Эрүүгийн хуулийн 274.2, 294 дүгээр зүйлийн 294.2-т зааснаар буруутган, 5-10 жилийн ял төлөвлөжээ.
15.    Гэвч тэрээр өөрийгөө гэм буруугүйг удаа дараа мэдэгдсээр байв.
16.    Харин Нийслэлийн прокурорын газраас тэдний хэргийг энэ сарын 2-нд шүүхэд Сүхбаатар дүүргийн шүүхэд шилжүүлж, хоёрдугаар сарын 27-нд шүүхээр болов.
17.    Тус өдөр товлогдсон шүүх хурал хойшилж, гуравдугаар сарын 14-нд болов. Уг хурлаар Ч.Амарболдод таслан сэргийлэх арга хэмжээ авч, цагдан хорих арга хэмжээ авахаар болжээ.
18.    Гэвч түүний бие муудаж, Нэгдсэн хоёрдугаар эмнэлэг рүү ачигдав.
19.    Энэ хооронд шүүх хурал зургаан удаа товлогдож, тэрээр цагдан хорих 461 дүгээр ангийн эмнэлэг, Клиникийн гуравдугаар эмнэлгийн хооронд хэвтэн эмчлүүлж байв.
20.    Биеийн байдал нь улам муудаж, шинжилгээ өгөхөд элэгний хорт хавдрын шинж тэмдэг илэрсэн.
21.    Улмаар өнгөрсөн сарын 28-нд ходоодны хавдар боох хагалгаанд орлоо.
22.    Гэвч түүнийг маргааш нь буюу 29-нд товлогдсон шүүх хуралд оролцуулахаар ШШГЕГ-ын ажилтнууд дамнуургатай нь өргөн цагдан хорих 461 дүгээр анги руу ачсан юм.
23.    Тэрээр төрийн гурван өндөрлөг болон хуулийнханд хандаж, өөрийгөө буруугүй хэмээн тайлбар хүсэлт хүргүүлэв. Гэвч хурал өчигдөр болж, орой 23 цагт завсарлалаа.
24.    Түүнд улсын яллагч есөн жилийн хорих ялыг чанга дэглэмтэй ангид эдлүүлэхээр төлөвлөжээ.