МУГЖ С.Жавхлан Т.Баясгалан нар олон жилийн дараа дахин хамтран уран бүтээл хийж эхэлсэн талаарх мэдээлэл цахим сүлжээгээр тархав.

Тэд шинэхэн дуундаа клип ч хийлгээд амжсан байна. Оюутан цагаасаа хослон дуулж, ард түмний хайр хүндэтгэлийг хүлээсэн дуучид тодорхой бус шалтгаанаар хослон дуулахаа больсон.

Энэ нь тухайн үедээ олон хүний урмыг хугалж байв. Харин олон жилийн дараа ийн хамтарч дуулж байгаад талархаж хүмүүс олон байгаа бөгөөд шинэхэн уран бүтээлийг нь шимтэн үзэхийг хүсч буйгаа илэрхийлжээ. Түүнчлэн гавьяатуудыг хамтарч тоглолт зохион байгуулах гэж байгаа гэх мэдээлэл ч байгаа юм.