Швед улсын Засгийн газар 80,000 хүний орогнол хүссэн өргөдлийг хүлээж авахаас татгалзсан байна. Тиймээс бичиг баримтыг нь зөвшөөрөөгүй дүрвэгсдийг өөрийн улсын нутаг дэвсгэрээс албадан хөөж гаргахаар болжээ. Дотоод хэргийн сайдын мэдэгдсэнээр эдгээр орогнол хүсэгчдийг албадан гаргахын тулд нисэх онгоцуудыг ашиглах юм байна.

2015 онд тус улсад 163,000 орогнол хүссэн өргөдөл ирсэн байна. Энэ нь Европын бусад улс орнуудтай харьцуулахад хамгийн их тоо баримт юм. Швед улс өнгөрсөн жил нийт орогнол хүсэгчдийн 55 хувийг нь буюу 58,000 хүнийг хүлээж авсан байна.

Европын орнуудыг зорин ирж буй цагаач иргэдийн дийлэнх нь Грекийн арлуудаар дамжиж байгаа юм. 2016 он гарснаас хойш 46,000 цагаач Грекь ирсний 170 нь замдаа амь эрсэджээ. Европын Холбооны гишүүн 28 орон цагаач иргэдийг хүлээж авахын тулд багагүй хичээл зүтгэл гаргаж байгаа ч бодит байдал дээр орогнол хүсэгчдийг байршуулах өргөн хүрээний механизмыг хэрэгжүүлэхэд огт санал нэгдээгүй байгаа юм. Цагаач иргэдийн тоо нэмэгдэхийн сацуу гэмт хэрэг өсч байгаа учраас хилийн харуул хамгаалалтыг чангаруулахаас өөр аргагүй болж байна. Хамгийн сүүлд Швед улсад л гэхэд 22 настай дүрвэгч хутгалуулж амиа алдсаны дараа 15 настай дүрвэгчийг баривчилжээ.

Гүрпүрэв Ганчимэг /UBS/