Хүүхдийн тоглоом үйлдвэрлэгч Маттел компани барби хүүхэлдэйг шинэчилэн үйлдвэрлэж эхэлсэн байна. Тус компаниас өгсөн мэдээллээр барби хүүхэлдэйг 7 төрлийн арьсны өнгөтэйгөөр үйлдвэрлэж эхэлсэн бөгөөд ингэснээр хүүхэд бүр өөр улс үндэстэн, шашин соёлыг хүлээн авч, хүндэтгэхэд суралцах ажээ. 2010 оноос эхлэн өнөөг хүртэл дэлхийн хэмжээнд барби хүүхэлдэйн борлуулалт унах болсон юм. Тиймээс Маттел компани барбиг шинэчилэн сайжруулах төслийг эхлүүлж улмаар уламжлалт хуучин өнгө төрхийг нь өөрчилөөд байгаа юм. Өдгөө тус компани 22 төрлийн нүдний өнгө, 24 төрлийн үсний засалттай барбиг худалдаанд гаргаад байгаа юм. Мөн бие галбирын хувьд хэт хиймэл харьцаа, хэмжээнээс татгалзаж, илүү бодитой биеийн галбир бүхий барбиг үйлдвэрлэж эхэллээ.

Болд-Эрдэнэ Тэргэл /UBS/