Өнөөдөр Олон улсын эмэгтэйчүүдийн баярын өдөр тохиож байна. Энэ өдрөөр та хайртай ижийгээ, халамжит ханиа, хайртай бүхнээ хэрхэн баярлуулахаа мэдэхгүй байгаа бол бид таньд энэ өдөр тоглогдох бүх тоглолтын хуваарийг танилцуулж байна.
Нийтийн дуучдын хамтарсан “Монголын сайхан ээжүүд” тоглолт болно
Монголын үзэсгэлэн гоо ээжүүдэд урлагийн одод ирэх гуравдугаар сарын 7, 8-нд “АСА” циркт ая дууны цэнхэр хадгаа ийнхүү өргөн барих гэж байна.
Тэнгэрт залбирч цацлаа өргөх Монгол ижий минь Тэвэрсэн үрдээ бүүвэй аялах энэрэлт ижий миньХаниа хайрлаж цайгаа дээжлэх бурхан ижий минь Хатуу орчлонг зөөллөсөн хатан ухаант “Монголын сайхан ээжүүд” тоглолт ирэх гуравдугаар сарын 7, 8-нд “АСА” циркт 19:00 цагт ердөө хоёрхон удаа эгшиглэх юм.
Тоглолтод Ардын жүжигчин А.Долгор, Гавьяат жүжигчин Н.Чулуунхүү, Г.Батбаяр, Д.Энхзул, Н.Болормаа, Ч.Бат-Эрдэнэ, Ч.Амаржаргал, С.Ганзориг, Соёлын тэргүүний ажилтан М.Бямбажав, Т.Батсайхан, Г.Намсрайноров, П.Жимсээ, Н.Мөнгөншагай нар оролцон Монголын үзэсгэлэн гоо ээжүүдийг магтан дуулах болно.
“Хурд” хамтлаг “Инэмсэглэ бүсгүйчүүд” , ” Ханьдаа дуулъя” тоглолтуудаараа бэлэг барина
Монголын рок попын түүхэнд 20 гаруй жилийн турш домог болон гялалзаж яваа “Хурд” хамтлаг эмэгтэйчүүдийн баярыг тохиолдуулан энэ сарын 8-ны өдөр “Ханьдаа дуулъя”, “Инээмсэглэ бүсгүйчүүд” хэмээх тоглолтуудаа үзэгч түмэндээ хүргэх гэж байна. Хамтлагийнхаа түүхэнд анх удаагаа нэг өдөр хоёр өөр тоглолтыг толилуулах гэж байгаа тэд хэлэхдээ “Манай хамтлагийн үзэгч фенүүдийн 70-80 хувь нь эмэгтэйчүүд байдаг учир 20 гаруй жил бидний дууг сонсож, үнэнчээр дэмждэг монголынхоо бүсгүйчүүдэд зориулан ийнхүү эмэгтэйчүүдийн баяраар тоглолтоо хоёр тоглолтоор бэлэг барьж буйгаа дуулгасан юм.
Тодруулбал “Инээмсэглэ бүсгүйчүүд” тоглолтоо хоёр дахь жилдээ тоглох бөгөөд энэхүү тоглолт нь “АСА” циркт болох юм байна. 3-р сарын 8-ны өдрийн 15.00 цагаас тоглох уг тоглолтонд хүрэлцэн ирсэн бүх бүсгүйчүүдэд “Халгай” брэндийн бүтээгдэхүүнийг бэлэг болгон өгөх аж.
Харин 1998 оноос хойш жил бүр уламжлал болгон тоглож ирсэн “Ханьдаа дуулъя” цэнгүүн тоглолтоо энэ жил “CASTLE”-д тоглохоор болжээ. Шинэ оны өмнөхөн нээлтээ хийсэн бөгөөд текник тоног төхөөрөмж, гэрэлтүүлэг зэргээс эхлүүлээд дэлхийн дээд зэрэглэлийн стандартаар тоноглогдсон уг клубд хийх тоглолтоо зөвхөн 600 үзэгчидэд зориулан “VIP” хэлбэрээр зохион байгуулах юм байна. Өөрөөр хэлбэл үзэгч та бүхэн “Хурд”-ын тоглолт үзэнгээ тэдэнтэй хамтдаа дуулж, бүжиглэнгээ клубын ширээнд тухлан бүх төрлийн уух зүйлээр чөлөөтэй үйлчлүүлэх боломжтой юм.
Тоглолтонд урилгаар Монголын рок попын сор болсон уран бүтээлчид оролцох бөгөөд үзэгчид маань 20:00-23:00 цагийн хооронд шоу тоглолтоор хөглөгдөх бол үргэлжлүүлэн 23:00-04:00 цагт Монгол гадаадын шилдэг DJ, MC, ОХУ-ын секси бүжигчдийн гайхалтай шоугаар баяраа тэмдэглэх боломжтой гэнэ. Дашрамд дуулгахад шоу тоглолтын зохион байгуулагчдийн зүгээс үзэгчиддээ бэлэг болгож 20:00-23:00 цагийн хооронд болох шоу тоглолт, 23:00-04:00 цагийн party-нд 1 тасалбараар үйлчлүүлэх боломжыг олгож байгаа юм байна.
Тоглолтуудын талаарх дэлгэрэнгүй мэдээллийг 99117476, 99139933, 89894373 дугаараас лавлаарай
МУСТА А.Түмэн-Өлзий “Хатан гоо ээжүүддээ” тоглолтоороо бэлэг барина
Нийтийн дууны урлагт өөрийн гэсэн өнгө төрхийг тодорхойлж “Хайрын тэнгэр диваажин”, “Хөөрхөн”, “Баясгалантай сайхан”, “Ижий зөн”, “Нандин”, “Газрын жигүүр” зэрэг олон сайхан дуугаараа монгол түмнээ хүндлэгдсэн дуучин бол МУСТА А.Түмэн-Өлзий тун удахгүй болох олон улсын эмэгтэйчүүдийн баярыг тохиолдуулан монголын бүх сайхан ээжүүддээ “Хатан гоо ээжүүддээ” тоглолтоороо бэлэг барих болсноо дуулгалаа. Тоглолт гуравдугаар сарын 8-ны өдөр Улаанбаатар ресторанд 18:00 цагаас ганцхан удаа болно. Тоглолтонд хүрэлцэн ирсэн бүх ээжүүдэд гарын бэлэг болоод цомгийг бэлэг болгон өгөх юм байна.
Хайр хүндэтгэлийн илэрхийлэл хамгаас нандин хайртай ээжүүддээ энэ оны хамгийн сайхан тоглолтоор бэлэг бариарай. Билетыг 1900-1109 үнэгүй хүргэнэ. Илүү дэлгэрэнгүй мэдээллийг: 88664403 утаснаас авах боломжой.
“Увертюра” хамтлаг Дархан хотод тоголно
Монгол поп опера урсгалаар уран бүтээлээ туурвидаг “Увертюра” хамтлагийн залуус олон улсын эмэгтэйчүүдийн баярын өдрөөр жил бүр бүсгүйчүүдийгээ баярлуулдаг. Өнгөрсөн жил “UVERTURA UNPLUGGED LIVE CONCERT”-оо Маршал таун хотхоны “Luxury” ресторанд зохион байгуулж байсан бол энэ жил Монгол улсын ардын жүжигчин Ш.Чимэдцэеэтэй хамтран Дархан хотын эмэгтэйчүүд ээжүүддээ зориулан тоглох гэж байна. Тоглолт гуравдугаар сарын 8-ны өдөр Дархан хотын “Залуучууд театрт” 19:00 цагаас ганцхан удаа болно. Энэрэл хайрын дээд ээжүүддээ, эрхэмсэг гоо бүсгүйчүүддээ “Увертура” хамтлагийн “Тэнгэр ээж минь өршөө” тоглолтоор бэлэг бариарай.
Дэлгэрэнгүй мэдээллийг 99371234 86683000 86684000 утаснаас авах боломжтой
Дуучин Наран “Welcome to My Heart” амьд тоглолт
Олон улсын эмэгтэйчүүдийн баярыг тохиолдуулан соёлын тэргүүний ажилтан, поп дива дуучин С.Наран “Welcome to my heart” амьд тоглолтоо бүсгүйчүүддээ зориулахаар боллоо.
Тоглолтод төрийн соёрхолт, МУУГЗ Б.Шарав, МУУГЗ Чулуунбат, Л.Балхжав, МУГЖ Д.Жаргалсайхан, МУУГЗ Б.Батчулуун, Д.Отгонбаяр, Б.Ангирмаа, Б.Халиун, жүжигчин Ц.Цэрэнболд, ая зохиогч, дуучин Оки нар оролцох юм.
“Welcome to my heart” тоглолт 3 сарын 8-ны 19:00 цагт “Corporate Hotel & Convetion centre, Concert hall”- д болно.
Цахим тасалбарыг www.TICKET.mn -ээс.
Холбогдох утас: 99109733, 98980109
“Бүх хайраа бүсгүйчүүддээ” шоу тоглолт болно
Хошин урлаг & Нийтийн дуучдын хамтарсан “Бүх хайраа бүсгүйчүүддээ” шоу тоглолт гуравдугаар сарын 07, 08-ны өдрүүдэд Тусгаар тогтнолын ордонд 19 цагаас болно.
Тус шоу тоглолтод “Шилдэг өнгө”, “Мөрөөдлийн теарт”, “Пароди” хамтлаг, Чапи & Суурь бүсгүйчүүддээ инээд бэлэглэхээс гадна МУГЖ, Дуучин Д.Энхзул, Б.Болормаа, “Увертюра” хамтлаг, МУСТА Д.Намсрайноров, Г.Эрдэнэтунгалаг, Дуучин Б.Оюунбат , Р.Бадралмаа, Б.Буянжаргал нар оролцож өөрсдийн ая дуугаа өргөнө.
Бүх хайрыг бүсгүйчүүддээ, ээжүүддээ зориулж, дуундаа уярч, хамтдаа инээцгээе эрчүүд ээ.
Дэлгэрэнгүй мэдээллийг 99020525 дугаарын утаснаа лавлах боломжтой
3-р сарын 8-нд “Бүсгүй минь инээмсэглэж яваарай” тоглолт болно
Монгол улсын Филармони 2016 оны 3-р сард монголын гэр бүлүүдэд зориулж “Бид нэг гэр бүл” төслийг хэрэгжүүлэх аж. Уг төслийн хүрээнд Морин хуурын чуулгын дэлхийн болон монголын киноны хөгжмөөс дээжлэн хүргэх “Playing love” тоглолт, Баянмонгол жазз найрал хөгжмийн эмэгтэйчүүдийн баярт зориулсан “Бүсгүй минь инээмсэглэж яваарай”, эр цэргийн баярыг тохиолдуулан “Сэтгэлд хоногшсон дуунууд”, Симфони найрал хөгжмийн “L.Beethoven Symphony No8” зэрэг 3 удаагийн тоглолтыг зохион байгуулах бөгөөд 3-р сарын 8-нд “Бүсгүй минь инээмсэглэж яваарай” тоглолтоо эмэгтэйчүүддээ зориулан тоглох гэж байна.
Тоглолтонд “Баянмонгол жазз найрал хөгжим” удирдаач Б.Ганбат /МУУГЗ/, С.Саруул-Од /МУСТА/, дуучин С.Баттулга /МУСТА/, Д.Бурмаа /МУСТА/, Н.Наранбаатар /МУСТА/, Т.Амина /МУСТА/, П.Өнөржаргал /МУСТА/, Л.Насанбуян /МУСТА/, Б.Дэлгэрбаяр /МУСТА/, Б.Номин-Эрдэнэ, Б.Солонго, Т.Отгонбаяр, С.Нямбаяр нар оролцон ая дуугаа өргөж нэгэн үдшийг хамтдаа өнгөрүүлэх юм.
Take off “Зүрхний тоглолт”-оо хийнэ
3.8 нд хүрэлцэн ирж буй хүн бүрийг улаан өнгө орсон хувцас өмсөж ирэхийг хүсэж байна. Тэр өдөр хамгийн гоё улаан даашинзтай бүсгүйг шалгаруулж санаанд оромгүй гэнэтийн бэлгүүдийг барих гэнэ
Тасалбарын үнэ : 30.000 ₮
VIP суудал : 100.000 ₮
Тасалбарыг 1900-1109
9910-8582
8008-2577
9694-0101
Жирийн Монгол охин VIP тоглолт Шигтгээ хамтлаг Б.Цог /СТА/
МАРТ 8-ны үдэш C&C lounge club-д “Жирийн Монгол Охин” VIP тоглолт болно.
Тоглолтонд урилгаар:
Хэрлэн МУСТА /Элькондор хамтлаг/
Оргил МУСТА /Болор хамтлаг/
Л.Тайванбат МУСТА /Титэм хамтлаг/
Дуучин Б.Цогтдэлгэр МУСТА
Мөнхбаяр МУСТА /Айзам хамтлаг/
Зоригт МУСТА /Бурхан/
С.Баасандорж МУСТА /Харш хамтлаг/
DJ BTB
ТАХ-нд Халуун вино, сарнай
Энэ үдэш 2 азтанг шалгаруулна.
Дэлгэрэнгүй мэдээллийг: 9411-3959, 9409-395
Шилдэг эрэгтэй хамтлагууд нэгдэж “Best hits” тоглолтоо хийнэ
2016 оны 3 сарын 8ны өдөр буюу Олон улсын эмэгтэйчүүдийн баяраар нэгэн гайхалтай тоглолтыг орчин үеийн Монголын “Boyband” залуу хамтлагууд нэгдэн “Best hits” хэмээх тоглолтоо толилуулахаар болжээ.
Тодруулбал, Монголын шинэ үеийн хөвгүүдийн хамтлаг болох “Motive”, “Нэгэн зүгт”, “Sync”, “S4” хамтлагийн залуус хамтран энэ сарын 8-нд “Lux” клубт ганцхан энэ л үдэш өөрсдийн хит болсон залуучуудын сонсох дуртай тэр л гайхалтай гэгээлэг хайрын дуунуудыг эгшиглүүлж бүсгүйчүүдийнхээ баяр дээр баяр нэмэх юм. Сонсох дуртай хамтлагийнхаа тоглолтыг нэг тоглолтын үнээр мөн нэг дороос үзэх ховорхон боломжийг эл өдөр зөвхөн танд олгож байна.
Тоглолтод хамтлаг бүр өөрсдийн шилдгийн шилдэг 5-6 уран бүтээлээ хүргэхээс гадна гэнэтийн бэлгээр дүүрэн тоглолт болох юм.
Мөн тоглолтонд урилгаар дуучин Агиймаа, BX, No name хамтлагийн дуучин Оргил нар оролцон өөрсдийн ая дуугаа өргөхөөс гадна DJ ZAYA болон DJ CHINBA нартай үүрийн 4 цаг хүртэл баярлах боломжтой юм. Хайртай эхнэр, найз бүсгүйнхээ баярыг хамтдаа хуваалцах гайхамшигт үдшийг зөвхөн “Best hits” тоглолттой хамт өнгөрүүлээрэй.
Дэлгэрэнгүй мэдээллийг: 96111196, 80110233 утаснаас авах боломжтой.
