Европын холбоо 52 сая еврогийн тусламжийг боловсролд зарцуулна

2016-4-07

Европын Холбооны Хүмүүнлэгийн Тусламж, Хямрал Зохицуулалтын Хорооноос 2016 онд боловсрол нэн шаардлагатай байгаа улс орнуудад 52 сая еврогийн тусламж үзүүлэхээр болсныг мягмар гаригт зарлалаа. Уг асуудлыг эрхлэх хорооны дарга Кристос Стилианидес хэлэхдээ Сири, Ирак гэх зэрэг дэлхийн нийт 42 улс орон дахь боловсрол болон нийгмийн сэтгэлзүйн дэмжлэг нэн шаардлагатай 2 сая 300 мянган хүүхдэд дээрх хөрөнгийг энэ онд зарцуулах болно гэсэн байна.

Хүүхэд багачуудад боловсрол олгох тусламжийн арга хэмжээг Европын Холбооны түнш байгууллагууд болох НҮБ-ын Хүүхдийн Сан гэх мэт агентлагууд, Олон Улсын Шилжилт Хөдөлгөөний Байгууллага болон Улаан загалмай гэх мэт олон улсын байгууллагууд болон мөн Save the Children гэх мэт ТББ-ууд гүйцэтгэх юм байна.

Ганбаатар Мөнх-Эрдэнэ /UBS/

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

Зочин (103.9.90.226)

Та бүхэн энэ мөнгийг энэ зорилгоор нь ашигладаг гэж бодож байна уу? Санасны чинь гарз. Манайх шиг орнуудын боловсролыг будаа болгох гэж мөнгөнөөс болж нүдээ ухаад өгөхөөс буцахгүй хэсэг хүнийг тэжээж, тэд нар нь боловсролыг устгахад зориулдаг юм. Хамгийн том жишээ бол боловсролын яаманд байгаа хэдэн мэргэжилтэн, тэдний хаяж өгсөн угаадсыг горьдогч МУИС-ийн заах аргач нэртэй хэдэн хувалз, хэдэн дарга нар билээ.

2016 оны 04 сарын 07 | Хариулах