Монголын Үндэсний олон нийтийн радио, телевизээс санаачлан зохион байгуулж буй "MNB Сэтгэлийн үндэс" бүтээн байгуулалтын аян амжилттай үргэлжилж байна. Уг аяны хүрээнд нэн түрүүнд хүүхдийн сурч боловсрох, хөгжих, эрүүл байхад тулгамдаж байгаа асуудлыг шийдвэрлэх юм. Тус аяныг зохион байгуулагчид хамгийн эхний бүтээн байгуулалтын ажлаа БГД-ийн 21 дүгээр хороонд 120 хүүхдийн цэцэрлэгийг босгохоос эхэлж байна. Цэцэрлэг барих ажилд олон хүн тусламжийн гараа сунгаж байгаа юм. Тэгвэл Монголын "X-Trail" клубийнхэн тэдний нэг болж тус цэцэрлэгийн барилгын ажилд 2000 тоосго авах мөнгийг хандивлажээ. Тэд мөн Монголын "Lexus LX470" клубийн залуусыг цэцэрлэгийн бүтээн байгуулалтанд нэгдэхийг уриалж сhallenged дуудсан байна.

Тодруулбал, X-Trail" клубийнхэн энэ сарын 10-ны өдөр "ХАМТЫН ХҮЧ" өдөрлөгийг амжилттай зохион байгуулж, энэ үеэр 120 хүүхдийн цэцэрлэг барих төслийг дэмжиж клуб дотроо сhallenge зарлан 400.000 төгрөг буюу 2000 тоосгоны мөнгийг цуглуулсан нь энэ аж.

Т.Энхэлээ