Тогтвортой хөгжлийн зорилгын дэд хорооны хуралдаан өнөөдөр Төрийн ордонд болов.

Хуралдааны үеэр НҮБ-ын суурин зохицуулагч  Биатма Транкман илтгэлийнхээ үеэр " Монгол Улс цаашид тотвортой хөгжье гэвэл Үндэсний болон орон нутгийн түвшинд бодлогын уялдааг хангах, бодлогодоо тогтвортой хөгжлийн зорилттой уялдуулах, үр дүнгийн хяналтад шаардагдах тоо мэдээллийн олдоц, хэрэглээний ойлголтыг сайжруулах, зөвлөгөө, сурталчилгаа, оролцоог бэхжүүлэх шаардлагатай" гэлээ.

Мөн бодлогын болон хэрэгжилтийн босоо, хэвтээ түвшний уялдааг хангахад институцийн зохистой тогтолцоог бүрдүүлэх, төсөвт дүн шинжилгээ хийж зарлагын оновчтой зарцуулалтыг бий болгох шаардлагатай гэдгийг онцоллоо. Түүний илтгэлтэй холбогдуулан гишүүд тодорхой саналуудыг тусгаж ажиллана гэдгээ мөн илэрхийлсэн юм. 

Хуралдаанд УИХ-ын гишүүн, Тогтвортой хөгжлийн зорилгын дэд хорооны дарга С.Чинзориг, УИХ-ын гишүүн Ё.Баатарбилэг, Ц.Цогзолмаа, Д.Гантулга, О.Баасанхүү нар оролцов.