Дээрхийн гэгээнтэн XIV Далай лам Данзанжамц манай улсад ирж магадгүй талаар цахим сүлжээ сайтуудад мэдээлэл гарсан. Энэ талаар Зам тээврийн дэд сайд Б.Цогтгэрэл өөрийн цахим хуудаснаа "Далай лам маргааш Монголд ирнэ" гэх мэдээллийг хүргэсэн байна.

Түүнийг энэ сарын 18-22-д Монгол оронд ирж сүсэгтнүүдтэй уулзана гэсэн мэдээ бий. Гэвч тэрбээр 2015 онд мөн Монгол улсад айлчлахаар төлөвлөж байсан ч тодорхой шалтгааны улмаас ирж чадаагүй. Иймд энэ удаагийн айлчлалыг ч  цуцлагдаж магадгүй гэсэн хардлага байгаа юм. Сонирхуулахад,  далай лам 2011 онд Монгол Улсад ирж, Гандантэгчинлэн хийдийн урилгаар ирж Бөхийн өргөөнөө сүсэгтэн олонд зориулан “Шинэ мянганы сургааль”-аа хайрлаж байсан юм.