Энэ сарын 29-нд   Үндэсний тусгаар тогтнолоо сэргээсэн өдөр болгон тэмдэглэж орон даяар амардаг уламжлалтай.

Үүнтэй холбогдуулан Монголын бурхан шашинтны төв, Гандантэгчилэн хийдээс өнөөдөр энэ сары 29-нд зохиогдох ажлуудаа танилцууллаа. Энэ үеэр Далай ламын айлчлалтай холбоотой асуудлыг дурдсан юм.

Тэд хэлэхдээ “Дээрхийн гэгээнтэн XIV Далай ламыг Монгол оронд урин залсан явдал нь Монголын бурхан шашны төв Гандантэгчинлэн хийд тэргүүтэй 21 аймгийн уламжлалт хийдүүдийн төлөөлөл оролцсон цэвэр шашны арга хэмжээ байсан гэдгийг бид өмнө нь ч хэлсэн, дахин хэлж байна.

Айлчлалын үеэр хэвлэл мэдээллийн хэрэгсэл нээлттэй байж, ямар айлчлал болсныг тодорхой харуулсан. Гэвч энэ бүхэн өөрөөр өрнөж, гадаад болон дотоодод үл ойлгогдох байдал үүсгэн хандаж байгаа нь туйлын харамсалтай. Энэ удаагийн айлчлал бол Далай багшийн ес дэхь удаагийн айлчлал тул уламжлал болсон зан үйл гэж хэлж болно. Гэтэл өнөөдөр шашин, лам нарын үйл хэргийг харлуулах үйл явц ажиглагдаж байгаад бид туйлаас эмзэглэж байна" гэв.

-12 САРЫН 29-НИЙ ӨДӨР ЗОХИОГДОХ АЖЛУУД-

-Гандантэгчинлэн хийдийн хурал дацангууд, цогчин хийдийн их хурал, 21 аймаг, 9 дүүрэгт үйл ажиллагаагаа явуулж байгаа бурхан шашны бүх сүм хийдэд Өндөр гэгээн Занабазарын айлтгасан Жанлав Цогзол номыг хурна. Бусад сүм хийдүүдэд энэхүү номыг хурахыг уриалав.

-Гандантэгчинлэн хийдийн тэргүүлэх хамба лав тэргүүтэн Гандантэгчинлэн хийдийн хурлын танхимд 11:00 цагаас "Үндэсний эрх чөлөөний өдрийн ач холбогдол"-ын талаар баярын хурал

-17:00 цагаас Монголын Сүсэгтний Холбоо болон төрийн бус байгууллагууд баяр ёслолын үйл ажиллагааг арванхоёрдугаар сарын 29-ний өдөр зохион байгуулна.

Дээрх арга хэмжээнд сүсэгтэн олон оролцох нээлттэй юм байна.