МАХН-ын дарга Н.Энхбаяр нарын шүүх хурал гурав дахь өдрөө үргэлжлэх гэж байна. Өнгөрсөн хоёр хоногийн хугацаанд гэрчийн мэдүүлэг, шүүгдэгчийн мэдүүлэг, улсын яллагч, өмгөөлөгчид цуглуулсан баримтаа танилцуулах зэрэг зарчмаар явагдсан. Харин мэтгэлцээний зарчим явагдаагүй хэмээн Н.Энхбаярын өмгөөлөгч С.Нарангэрэл бухимдсан. Тэрээр “Өмгөөлөгчдийн хуулийн мэтгэлцээн хийх ажиллагаа байхгүй байна. Би цугласан баримт нотолгоогоо мэтгэлцэж ярилцмаар байна. Өмгөөллийн үг, яллах үг гэж бий” гэлээ. Мөн “Өмгөөлөгчдийн зүгээс цагаатгах материалаа хангалттай гаргаж чадлаа. Харин улсын яллагчид яллах баримтаа гаргаж чадахгүй байна” хэмээн өөрийн байр сууриа илэрхийлэв. Б.Чимэг
