Лондонгийн зуны XXX олимпийн наадмын боксын төрөлд эрэгтэйчүүдийн 52 кг-ын жинд эх орноо төлөөлж буй дэлхийн аваргын мөнгөн медальт, Монгол Улсын Гавьяат тамирчин Н.Төгсцогт шөвгийн 16-гийн тулаанаа хийж, Италийн боксчныг ялсан.
Сугалаагаар эхний тойрогт Азербайжаны тамирчин Элвин Мамишзадатай учраа таарч, 18:11 (4-5, 7-3, 7-3) харьцаатай буулган авсан тэрбээр өнөөдөр Бээжингийн олимпийн хүрэл медальт, 2007 оны дэлхийн аваргын хүрэл, Европын аваргын хошой хүрэл медальт, Италийн тамирчин Винчензо Пикардиг 17-16 (4-6, 6-4, 7-6 ) харьцаатай ялснаар шөвгийн наймд шалгарч байгаа юм.
   Одоо тэрбээр орон нутгийн цагаар наймдугаар сарын 7-нд 20.45 буюу Монголын цагаар 8-ны шөнө 03.45 цагт хүрэл медалийн төлөө Узбекистаны Ясурбек Латиповтой тоглох юм.
17-хон насандаа дэлхийн аваргаас мөнгөн медаль хүртэж, боксын хүрээлэлд шуугиан тарьсан залуу гавьяат өнгөрсөн дөрөвдүгээр сард Казахстаны нийслэл Астана хотноо болсон олимпийн эрхийн олгох Ази тивийн боксчдын тэмцээнээс мөнгөн медаль хүртсэнээр анхны олимпдоо оролцох эрхтэй болсон билээ.
Түүний амжилтаас дурдвал Дэлхийн аваргын мөнгө /2009/, Азийн аваргын хүрэл /2009/, Азийн хүүхдийн наадмын хүрэл /2008/ медальтай тэрбээр Олон улсын сонирхогчдын боксын холбоо /AIBA/-ноос санаачлан зохион байгуулах болсон хагас-мэргэжлийн гэгдэх боксын лигт Азербайжаны “Баку Файерс” багийн бүрэлдэхүүнд тоглосон билээ.