Умард Солонгосын нийслэл Пхеньянд Хятадын Коммунист намын төв хорооны гадаад харилцааны хэлтсийн дарга Ван Зяжу тэргүүтэй төлөөлөгчид албан ёсны айлчилж байгаа. БНАСАУ-ын удирдагч Ким Жөн Ун тэднийг найрсаг, халуун дотноор хүлээн авч уулзсан талаар "Синьхуа" агентлаг мэдээлжээ. Уулзалтын үеэр Ван Зяжу Умард Солонгосын экс удирдагч, эцэг Ким Жөн Ирийн нас барсанд эмгэнэл илэрхийлээд талийгаач Хятадын ард түмний багш хамгийн дотно анд байсан хэмээн онцолсон байна. Мөн тэрээр БНХАУ-ын дарга Ху Жинтаогийн мэндчилгээг уламжлан, Солонгосын ард түмэн социалист бүтээн байгуулалтад агуу амжилт олно гэдэгт итгэлтэй буйгаа онцолжээ. ЦТАК агентлагийн мэдээлснээр хоёр тал намуудынхаа үйл ажиллагааны талаар мэдээлэл солилцож, хоёр орны хамтын ажиллагаа, нөхөрлөлийн харилцааг хөгжүүлэх асуудлаар хэлэлцсэн гэнэ. Хятадын Коммунист намын төлөөлөл Умард Солонгост айлчилсан нь онцлогтой юм. Учир нь зарим ажиглагчдын үзэж буйгаар энэ нь Ким Жөн Ун эцэг Ким Жөн Ирийнхээ Хятадтай харилцаагаа бэхжүүлэхэд ихээхэн ач холбогдол өгдөг байсан үзлийг үргэлжлүүлж байна хэмээжээ.
Хятад улс нь Умард Солонгосын хувьд худалдаа, хөрөнгө оруулалтын том түнш билээ. Мөн Хятад улс НҮБ-ын Аюулгүйн зөвлөлд тус улсын эсрэг хориг тавих эрхтэй орнуудын нэг юм.