Кени улсаас хоёр сая гаруй жилийн настай, хүний чулуужсан яс олсон тухай судлаачид мэдэгдлээ. Тус олдвор нь өнөөгийн бидэнтэй адилгүй гэнэ. Судлаачид шинжлэх ухаанд түлхэц үзүүлэх тус нээлтийнхээ талаар “Nature” сэтгүүлд нийтлэсэн бөгөөд сармагчин хувьсалд орж орчин үеийн хүн төрхөнд шилжсэн гэдэг олонхийн ойлголтыг баталж байгаа аж.
Тус антропологийн олдворын насжилт нь нарийвчилсан тооцоогоор 1.78-1.95 сая жилийн настай болох нь тогтоогджээ. Олдвор нүүр, хоёр эрүүний яс, шүднүүдийн хамт байсан олдсон байна. Эрдэмтдийн сонирхлыг хамгийн ихээр татаж байгаа зүйл нь тус гавлын яс нь “Хомо рудолфэнсис”-ийн үеийн хүмүүсийнхээс эрс ялгаатай бөгөөд 1972 онд олдож байсан нэгэн гавлын ястай ойролцоо байгаа явдал аж. Гавлын яс нь том тархитай, хавтгай урт нүүртэй байна.
Хэрвээ тус гавлын ясыг 1.8 сая жилийн насжилттай гэж үзвэл тухайн үеийн хүмүүс буюу “Хомо эрэктус” нь жижигхэн толгой, гүдгэр духтай байсан учираас Хомо эрэктус гэж тодорхойлж болохгүй байгаа гэнэ. олдвор аль ч цаг үеийн хүмүүстэй харьцуулахад нэгнийх нь ч шинжтэй тохирохгүй байгаа учираас судлаачид “Дээрхи олдвор бидний мэдэхгүй шинэ төрлийн хүн. Өмнө нь хүн төрлөхтөн өвөг дээдсийнхээ он цагийн дундах нэг үеийг гээсэн байж. Гэхдээ ийм төрлийн гавал одоогоор цор ганц байна” гэв.
