Өнөөдөр ерөнхий сайд Н.Алтанхуяг шинэ Засгийн газарт ажиллах гишүүдийн нэрсийг ерөнхийлөгч Ц.Элбэгдоржид өргөн барилаа. Ерөнхийлөгчтэй зөвшилцсөний дараа энэ нэрсийг УИХ-ын чуулганд оруулан хэлэлцүүлэх юм. Шинэ Засгийн газрыг 16 яам, 19 сайдтай байхаар батлаад байгаа бөгөөд ИЗНН нэг яам, "Шударга ёс" эвсэл 4 яаманд өөрсдийн хүнээ томилохоор яригдаж байна. Доорх нэрс өнөөдрийн өргөн барьсан хуулийн төсөлд бага зэрэг өөрчлөгдөн тусгагдсан байх магадлалтай юм.
Үүнд:
1. Шадар сайд Д.Тэрбишдагва /Шударга ёс эвсэл/
2. Байгаль орчин, ногоон хөгжлийн сайд С.Дэмбэрэл /ИЗНН/
3. Гадаад харилцааны сайд Л.Болд /АН/
4. Сангийн сайд М.Энхсайхан /Шударга ёс эвсэл/
5. Хууль зүйн сайд Х.Тэмүүжин /АН/
6. Барилга, хот байгуулалтын сайд А.Гансүх /АН/
7. Батлан хамгаалахын сайд Ш.Түвдэндорж /АН/
8. Боловсрол, шинжлэх ухааны сайд Л.Гантөмөр /АН/
9. Зам тээврийн сайд Б.Ариунсан /АН/
10. Соёл, спорт, аялал жуулчлалын сайд Ц.Оюундарь /АН/
11. Уул уурхайн яам Г.Батхүү /АН/
12. Үйлдвэр, хөдөө аж ахуйн яам Х.Баттулга /АН/
13. Хөдөлмөрийн яам Ц.Оюунгэрэл /АН/
14. Хүн амын хөгжил, нийгмийн хамгааллын яам Р.Амаржаргал /АН/
15. Эдийн засгийн хөгжлийн яам Н.Батбаяр /АН/
16. Эрчим хүчний яам М.Сономпил /“Шударга ёс” эвсэл/
17. Эрүүл мэндийн яам Н.Удвал /“Шударга ёс” эвсэл/
18. ЗГХЭГ-ын дарга, сайд Ч.Сайханбилэг /АН/
19. Ерөнхий сайд Н.Алтанхуяг /АН/
Монгол Улсын Ерөнхий сайд Н.Алтанхуяг , Монгол Улсын Засгийн газрыг шинээр эмхлэн байгуулж байгаатай холбогдуулан Үндсэн хуулинд заасны дагуу, Засгийн газрын гишүүнээр томилуулах хүмүүсийн нэрсийг Улсын Их хуралд өргөн мэдүүлэхийн өмнө, Монгол Улсын Ерөнхийлөгчтэй зөвшилцөхөөр өнөөдөр өргөн мэдүүллээ гэж Монгол Улсын Ерөнхийлөгчийн Тамгын газрын Олон нийттэй харилцах, мэдээлэл боловсруулах албанаас мэдээллээ.
